वीज पडून शेतकऱ्याचा मृत्यू

वीज पडून शेतकऱ्याचा मृत्यू

पाचगाव येथील घटना

विरेंद्र पुणेकर - आमचा विदर्भ प्रतिनिधी

राजुरा -

शेतात गेलेल्या मलकु रामू कोडापे (वय अंदाजे ४०, रा. पाचगाव, ता. राजुरा) यांचा आज वीज कोसळून मृत्यू झाला. आज दुपारी दोन वाजताच्या सुमारास ही दुर्दैवी दुर्घटना घडली. 

याविषयी मिळालेल्या माहितीनुसार, मलकु कोडापे पत्नी सोबत शेतामध्ये होते, आज दुपारी दिड वाजता पासून पाचगाव परिसरात पावसाला सुरुवात झाली. अश्यातच शेतात काम करीत असतांना दुपारी दोन वाजताच्या सुमारास त्यांच्यावर वीज पडली त्यात त्यांचा जागीच मृत्यू झाला. तिथेच त्यांची पत्नी व भाचीही होती. याबाबत गावातील नागरिकांनी पोलिसांना सूचना दिली, पटवारी आणि पोलिसांनी घटनास्थळ गाठून पंचनामा केला. मृतकाचे मागे आई, बाबा, पत्नी असा आप्त परिवार आहे. या घटनेने गावात हळहळ व्यक्त करण्यात येत आहे.