- टिप्पर व दुचाकीच्या भीषण अपघातात दोन ठार ; एक जखमी
- घरी लग्न कार्य असल्याने सामान खरेदीसाठी गेले होते दोघे
आमचा विदर्भ - ब्युरो रिपोर्ट्स
नागभीड -
लग्ना करीता लागणारे सामान आणण्यासाठी नागभीडला जात असताना दुचाकीला टिप्परने धडक दिल्यामुळे एकाच कुटुंबातील दोन युवक ठार तर एक गंभीर जखमी झाल्याची दुर्दैवी घटना घडली.
सूत्रानुसार घरी लग्न कार्य असल्यामुळे सामान खरेदी करण्यासाठी चिखल परसोडी येथून दुचाकी क्रमांक एमएच 31 बीआर 1747 या वाहनाने नागभीड येथे जात असताना नागभीड कडून ब्रम्हपुरी कडे जाणारा मालवाहू टिप्पर क्रमांक एमएच 40 बीजी 5441 या वाहनाने समोरासमोर जोरदार धडक दिल्यामुळे भूषण शामराव बोकडे वय 25 वर्ष, पवन विनोद बोकडे वय 17 वर्ष हे दोन युवक जागीच ठार झाले तर गिरीश सुधाकर बोकडे वय 18 वर्ष हा गंभीर जखमी झाला असून त्याला ग्रामीण रुग्णालय नागभीड येथे प्राथमिक उपचार करून तात्काळ नागपूरला हलविण्यात आले. टिप्पर चालक गाडी सोडून चालक फरार झाला.
पोलिसांनी घटनास्थळाचा पंचनामा करून शवविच्छेदन करण्याकरिता दोघांचेही शव ग्रामीण रुग्णालय नागभीड येथे पाठविले व टिप्पर चालका विरुद्ध गुन्हा दाखल केला असून पुढील तपास नागभीड पोलिस करीत आहे.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.