राजुरा तालुक्यातील तुलाना येथील युवा शेतकऱ्याची आत्महत्या

• राजुरा तालुक्यातील तुलाना येथील युवा शेतकऱ्याची आत्महत्या

आमचा विदर्भ - ब्युरो रिपोर्ट्स

राजुरा -

राजुरा पासून जवळपास ८ किमी अंतरावर असलेल्या तुलाना या गावातील प्रमोद भास्कर वांढरे वय ३० वर्षे या युवा शेतकऱ्याने आत्महत्या केल्याने गावात हळहळ व्यक्त करण्यात येत आहे.

प्रमोद वांढरे हा तीन एकर शेती मध्ये शेती करून कुटूंबाचा उदरनिर्वाह करीत होता. मात्र सततच्या नापिकीमुळे त्याने आत्महत्या केल्याची गावात चर्चा आहे. मृतकाच्या कुटुंबीयांची सामूहिक शेती आहे त्या शेतीवर त्यांच्या वडिलांच्या नावाने कर्ज असल्याचे सांगण्यात येते. प्रमोदने चार दिवसा अगोदर राहत्या घरी कीटकनाशक औषध प्राशन केले होते. त्याला लगेच त्याला जिल्हा रुग्णालयात भरती करण्यात आले. उपचारादरम्यान तीन दिवसानंतर त्याची प्राणज्योत मावळली. मृतकाच्या प्रश्चात पत्नी व दोन मुले आहे. युवा शेतकऱ्याने आत्महत्या केल्याने गावात दुःखाचे वातावरण आहे.