खिर्डी आदिवासी सोसायटीवर काँग्रेसचे १३ पैकी ११ उमेदवार बिनविरोध

• खिर्डी आदिवासी सोसायटीवर काँग्रेसचे १३ पैकी ११ उमेदवार बिनविरोध
• आमदार सुभाष धोटे व जिल्हा मध्यवर्ती सहकारी बँकेचे संचालक शेखर धोटे यांच्या नेतृत्वात लढविण्यात आली निवडणूक

धनराजसिंह शेखावत - आमचा विदर्भ प्रतिनिधी

कोरपना -

तालुक्यातील खिर्डी आदिवासी सोसायटीवर काँग्रेसचे १३ पैकी ११ उमेदवार बिनविरोध निवडून आले आहे. आमदार सुभाष धोटे व जिल्हा मध्यवर्ती सहकारी बँकेचे संचालक शेखर धोटे यांच्या नेतृत्वात ही निवडणूक लढविण्यात आली होती. काँग्रेस विरुद्ध शेतकरी संघटना अशी लढत होणार होती. मात्र काँग्रेसच्या ६ उमेदवारांच्या विरोधात विरोधकांचा अर्ज नसल्याने ६ उमेदवारांची पूर्वीच अविरोध निवड झाली. उर्वरित ७ जागांसाठी काँग्रेस व शेतकरी संघटनेने विविध गटातून नामांकन अर्ज भरले. 

५ मे ला नामनिर्देशन वापस घेण्याची तारीख होती. शेतकरी संघटनेने ५ तर काँग्रेसने २ अर्ज मागे घेतल्याने निवडणूक अविरोध पार पडली. बिनविरोध निवडून आलेल्या सदस्यांमध्ये काँग्रेसचे रामचंद्र कुळमेथे, राजेंद्र मडावी, पद्माकर मडावी, भीमा सिडाम, बापूजी सलाम, अशोक आस्कर, सुरेश राऊत, कमलाकर देरकर, गुलाब जीवतोडे, मंगला पंधरे, मंगल येरमे तर शेतकरी संघटनेचे सुभाष कोडापे, उद्धव लिपटे यांचा समावेश आहे.