गावालगत अज्ञात इसमांनी लावली आग

• गावालगत अज्ञात इसमांनी लावली आग
• आगीमुळे जनावरांसाठी ठेवलेलं तनसी चे ढिग, लाकडे व पाईप जळून खाक
• कहाली येथील गावकऱ्यांच्या सतर्कतेमुळे मोठी हानी टळली

आमचा विदर्भ - ब्युरो रिपोर्ट्स

ब्रम्हपुरी -

ब्रम्हपुरी तालुक्यातील काही अंतरावर असलेल्या कहाली गावाजवळ अचानक दुपारच्या वेळेस अज्ञात व्यक्तींनी शेतात आग लावली. ही आग कहाली गावापर्यंत आली. गावातील नागरिकांना आग गावात येताना दिसताच आरडाओरडा सुरू केले. गावातील प्रत्येक नागरिक आग विझविण्यासाठी प्रयत्न करू लागले. पण आग काही आटोक्यात येत नव्हती. लगेच ब्रम्हपुरी नगरपरिषदेच्या अग्निशमन दलाला पाचारण करण्यात आले. अग्निशमन व गावकऱ्यांच्या मदतीने आग आटोक्यात आली. या आगीमुळे अनेक गावकऱ्यांचे जनावरांची तनसी चे ढिग, लाकडे व पाईप जळून खाक झाले असुन गावकऱ्यांचे मोठे नुकसान झाले आहे.