भामरागड तालुक्यात पोलीस आणि नक्षलमध्ये चकमक

• भामरागड तालुक्यात पोलीस आणि नक्षलमध्ये चकमक
• एक पोलीस जवान जखमी
• जखमी जवानाला हेलिकॉप्टरद्वारे नागपुरात हलविले

आमचा विदर्भ - ब्युरो रिपोर्ट्स

गडचिरोली - 

भामरागड तालुक्यातील धोडराज जंगल परिसरात पोलिस विभागाला नक्षल असल्याची गुप्त माहिती मिळताच सी-६० पोलिस जवानाकड़ून नक्षल विरोधी अभियान राबविले जात असतांना जंगलात आधीच दबा धरून बसलेल्या नक्षल्यांनी पोलीस जवान दिसताच अचानक अंधाधून गोळीबार सुरु केला. प्रत्युत्तरात पोलिस जवानांनीही नक्षल्यांंना जशास-तसे प्रत्युत्तर दिले. मात्र यात एक पोलीस जवान जखमी झाले असून, त्या जखमी पोलिस जवानाला हेलिकॉप्टरने उपचारासाठी नागपूर येथे रवाना करण्यात आले आहे.

चकमकी दरम्यान जखमी झालेल्या पोलिस जवानाचे नाव कळू शकले नसले तरी चकमक सुरु असल्याची प्राथमिक माहिती प्राप्त झाली आहे. चकमकी ठिकाणी पोलिसांनी शोध मोहिम अधिक तीव्र केली असून झालेल्या या चकमकित काही नक्षल्यांचा खात्मा झाल्याचा अंदाज वर्तविण्यात आला आहे.

घटनास्थळी नक्षल्याचे मोठ्या प्रमाणात साहित्य हस्तगत करण्यात पोलीस जवानाना यश आल्याचे सूत्राकड़ूंन माहिती प्राप्त झाली आहे तर घटनेचे गांभीर्य लक्षात घेता घटनास्थळी अतिरिक्त पोलिस कुमक वाढविण्यात आले असून सर्च ऑपरेशन अधिक तीव्र करण्यात आले आहे.