तंटामुक्ती समिती अध्यक्षाचा खून

• तंटामुक्ती समिती अध्यक्षाचा खून

आमचा विदर्भ - ब्युरो रिपोर्ट्स

शेगाव (बू) -

येथील महात्मा गांधी तंटामुक्त गाव समितीचे अध्यक्ष महेश घोडमारे यांचा खूण झाला असल्याची माहिती आज सकाळी ११ वाजताच्या सुमारास उघडकिस आली आहे.

सविस्तर वृत्त असे की शेगाव येथील तंटामुक्त समितीचे अध्यक्ष व समाज सेवक महेश घोडमारे हा विविध प्रमाणपत्रे, दाखले असे विविध कामे करून देऊन कुटुंबाचा उदरनिर्वाह करीत होता. दिनांक 21 एप्रिलला महेश हा आपल्या कामाकरीता बाहेर गेला होता परंतु दोन दिवस होऊनही तो घरी परत न आल्याने त्यांच्या भावाने पोलीस स्टेशन शेगाव येथे भाऊ हरविला असल्याची लेखी तक्रार दिली व त्याचा आऊ शोध घेत असताना मेसा येथून अज्ञात इसमाच्या दूचाकीवर बसून वरोरा येथे गेला असल्याची माहिती समोर आली व मेसा समोरील जंगलात दुचाकी उभी असल्याची खात्री काही लोकांनी दिली त्याच्या आधारे घटना स्थळ गाठले असता झुळपात त्याची चप्पल, रक्त, रक्ताने माखलेला लोखंडी रॉड व प्रेत आढळून आले या घटनेची माहिती पोलिसांना दिली असता ठाणेदार अविनाश मेश्राम यांनी पोलीस कर्मचाऱ्यांसह घटनास्थळ गाठून पंचनामा केला. पुढील तपास सुरु आहे.