क्रांतिसूर्य महात्मा फुले यांच्या जयंतीनिमित्त रक्तदान शिबिर

• क्रांतिसूर्य महात्मा फुले यांच्या जयंतीनिमित्त रक्तदान शिबिर
• राष्ट्रीय सेवा योजना व प्रज्ञाशील करुणा मंडळ यांच्या पुढाकार

आमचा विदर्भ - ब्युरो रिपोर्ट्स

राजुरा -

क्रांतिसूर्य महात्मा फुले यांच्या जयंतीचे औचित्य साधून भेदोडा येथील युवकांनी एकत्र येत राष्ट्रीय सेवा योजना पथक श्री शिवाजी कला, वाणिज्य व विज्ञान महाविद्यालय राजुरा व प्रज्ञाशील करुणा मंडळ भेदोडा यांच्या संयुक्त विद्यमाने व रक्तपेढी सामान्य रुग्णालय चंद्रपूर च्या सहकार्याने भेदोडा येथे रक्तदान शिबिराचे आयोजन करण्यात आले होते, महाविद्यालयातील राष्ट्रीय सेवा योजना स्वयंसेवक रोहित दुर्गे व सुप्रिया बोरकर यांनी पुढाकार घेऊन गावातील प्रज्ञाशील करुणा मंडळ भेदोडा च्या पदाधिकाऱ्यांना सोबत घेऊन भेदोडा येथे भव्य रक्तदान शिबिराचे आयोजन केले, त्यामध्ये 20 रक्तदात्यांनी रक्तदान करून महान असे कार्य केले. 

यावेळी गावातील तरुणांनी उत्स्फूर्त प्रतिसाद देत या मध्ये भाग घेतला, सकाळी क्रांतिसूर्य महात्मा ज्योतीबा फुले, डॉ बाबासाहेब आंबेडकर यांच्या प्रतिमेचे पूजन करून रक्तदान शिबिराची सुरुवात करण्यात आली, महापुरुषांच्या जयंतीनिमित्त समाजउपयोगी कार्यक्रम घेऊन समाजात जागरूकता करणे हे राष्ट्रीय सेवा योजना स्वयंसेवकांचे कार्य आहे त्यामुळे रासेयो स्वयंसेवक प्रत्येक कार्यात पुढे असतो आणि त्याचाच भाग म्हणून रक्तदान शिबिर आयोजित करण्यात आले होते, यावेळी प्रज्ञा शील करुणा मंडळ भेदोडा चे अध्यक्ष वसंता दुर्गे, उपाध्यक्ष किरण कुंभारे, सचिव विश्वनाथ गोवर्धन व सर्व पदाधिकारी व समस्त भेदोडा वासीय व शिवाजी महाविद्यालयाचे प्राचार्य डॉ एस. एम. वारकड व रासेयो कार्यक्रम अधिकारी प्रा. गुरुदास बलकी उपस्थित होते..