चनाखा येथे जागतिक महिला दिन उत्साहात साजरा

• चनाखा येथे जागतिक महिला दिन उत्साहात साजरा

विरेंद्र पुणेकर - आमचा विदर्भ प्रतिनिधी

राजुरा -

८ मार्च जागतिक महिला दिनानिमित्त चनाखा येथे जिल्हा परिषद उच्च प्राथमिक शाळा, ग्राम पंचायत, सावित्रीबाई महिला ग्राम संघ आणि गावातील सर्व महिला बचतगट यांच्या संयुक्त विद्यमाने आयोजित करण्यात आला. 

संचालन कोंडेकर सर यांनी केले तर प्रस्तावना मुख्याध्यापक सत्रे सर यांनी केले.  कार्यक्रमाचे अध्यक्षा सरपंच सौ. रेखाताई आकनुरवार, कार्यक्रमाचे उद्घाटक उपसरपंच विकास देवाळकर, मार्गदर्शक ग्राम सचिव मंजुषा पारखी लोहे, प्रकाश दुर्योधन, राजेश सातपुते, सौ. ज्योत्स्ना वानखेडे, सौ. प्रतिभा मडावी सौ सुनिताताई सातपुते, ग्राम पंचायत सदस्य, जगदीश सातपुते तं.मु. अध्यक्ष, प्रविण वडस्कर शा. व्य. स. अध्यक्ष, सौ प्रियंका बोबडे शा. व्य. स. उपाध्यक्ष. सुनिता मडावी सदस्य उपस्थित होते. यावेळी शाळेच्या वतीने सरपंच सौ रेखाताई आकनुरवार व ग्राम सचिव सौ मंजुषा पारखी लोहे यांचा शाल श्रीफळ देऊन सत्कार करण्यात आला. 

यावेळी गीत गायन स्पर्धा, नृत्य स्पर्धा, संगीत खुर्ची इत्यादी स्पर्धा आयोजित करण्यात आल्या होत्या. स्पर्धेत सहभागी झालेल्या स्पर्धकांना पारीतोषिक देण्यात आले. यात वैयक्तिक नृत्य प्रथम चैतन्या गेडाम, द्वितीय तनुष्का बोढे. समुह नृत्य  प्रथम प्रिती कोवे व संघ. द्वितीय सानवी आकनुरवार व संघ. वैयक्तिक गायन प्रथम प्रियंका बोबडे, द्वितीय शोभा लोखंडे. समुह गायन प्रथम गिता जिवने व संघ. द्वितीय श्रावणी रामटेके व संघ याना देण्यात आले. कार्यक्रमाच्या यशस्वितेकरिता सौ कविताताई सिडाम सि.आर.पी., सौ शोभा लोखंडे ग्रा.सं. अध्यक्ष, सौ. पौर्णिमा रामटेके यांनी प्रयत्न केले. कार्यक्रमाला मोठ्या संख्येने महिला उपस्थित होत्या.