विरूर पोलीस स्टेशन येथे निःशुल्क रोगनिदान शिबीराचे आयोजन

• विरूर पोलीस स्टेशन येथे मोफत रोगनिदान शिबीराचे आयोजन
• 1015 नागरिकांनी केली आरोग्य तपासणी 

अविनाश रामटेके - आमचा विदर्भ प्रतिनिधी

विरूर स्टेशन - 

ग्रामीण भागातील गोरगरिबांना त्यांच्या रोगाचे निदान व्हावे व त्यांना वेळीच उपचार होऊन त्यांचा आर्थिक भार कमी व्हावा तसेच स्त्रियांचे व बालकांचे आरोग्य सुधारून जीवनमान उंचावेल या उध्दात हेतूने पोलीस स्टेशन विरुर व उप पोलीस स्टेशन लाठी यांच्या संयुक्त विद्यमाने विरुर पोलीस ठाण्याच्या प्रांगणात भव्य असा मोफत रोगनिदान शिबाराचे आयोजन करण्यात आले. यावेळी प्रमूख अतिथी म्हणून अतुल कुलकर्णी अप्पर 

पोलीस अधिक्षक चंद्रपूर हे प्रामुख्याने उपस्थित दर्शवित त्यांनी यावेळी पोलीस पूर्व भरती प्रशिक्षण ग्राउंड चे उदघाटन करून ठाण्यात यांच्या हस्ते वृक्षारोपण करण्यात आले ,यावेळी उपस्थित जनतेला व विद्यार्थ्यांना आरोग्या विषयी योग्य मार्गदर्शन  करण्यात आले 

रोगनिदान शिबीर या कार्यक्रमा करीता विरुर परिसरातील हजार त बाराशे नागरिक उपस्थित होते त्यापैकी 1015 नागरिकांनी आपली आरोग्य तपासणी करून घेतली, यावेळी जिल्ह्यातील तज्ज्ञ डॉक्टर हजर होते त्यामधे डॉ लहू कुळमेथे वैद्यकीय अधिक्षक उपजिल्हा रुग्णालय राजुरा, डॉ अभय मुन वैद्यकीय अधिकारी प्राथमिक आरोग्य केंद्र चिंचोली, डॉ एलिझाबेथ जोसेफ आशाधाम हॉस्पिटल विरुर, डॉ संदीप बांबोळे बालरोगतज्ज्ञ, डॉ स्नेहल डाहूले वैद्यकीय अधिकारी प्राथमिक आरोग्य केंद्र तोहोगाव व डॉ अनिता आरके यांनी उपस्थित नागरिकांची तपासणी केली. विरुर ठाण्याच्या हद्दीत असे अनेक उपक्रम नवीनच रुजू झालेले ठाणेदार राहुल चव्हाण यांनी राबिवीत असल्याने त्यांची परिसरात स्तुती होताना दिसत आहे