बल्लारपूर -
आदिवासी समाजाच्या विविध समस्या समजून घेऊन त्या सोडवण्याच्या दृष्टीने अथक प्रयत्न व संघर्ष केल्याबाबतची दखल घेऊन महाराष्ट्र शासनाने आदिवासीच्या कल्याणाच्या योजनाची परिणामकारक अंमलबजावणी करण्यासाठी प्रकल्पस्तरीय समिती चंद्रपूर या समितीवर बल्लारपूर तालुक्याचे शिवसेनेचे समन्वयक प्रदीप गेडाम यांची निवड केली आहे.
ही समिती एकात्मिक आदिवासी विकास प्रकल्प चंद्रपुर या विभागाच्या आर्थिक, शैक्षणिक व सामाजिक धोरण ठरविण्यात महत्त्वाची भूमिका बजावणार आहे. शासनाकडून प्राप्त होणाऱ्या निधी या समितीच्या मार्फत खर्च करण्यात येणार असल्याने समितीला अन्य साधारण महत्त्व प्राप्त झाले आहे.
या समितीवर निवड केल्या बद्दल त्यांनी शासनाचे आभार व्यक्त केले व शासनाकडून प्राप्त निधीचा पुरेपूर वापर करण्यात येईल व कोणत्याही परिस्थितीत निधी अखर्चित राहणार नाही याची दक्षता घेणार असे आश्वासन प्रकल्पस्तरीय समितीचे सदस्य प्रदीप गेडाम यांनी जिल्ह्यातील आदिवासी बांधवांना दिले.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.