गोवरी-सास्ती जिप क्षेत्रातील विद्यार्थ्यांसाठी सोमवार पासून धावणार महामंडळाच्या बसेस

• जिप सभापती सुनील उरकुडे यांनी राजुरा आगार प्रमुखांची घेतली भेट

आमचा विदर्भ - ब्युरो रिपोर्ट्स

राजुरा -

क्षेत्रातील माथरा, गोयेगाव, गोवरी, पोवणी, चिंचोली, साखरी, वरोडा, पेल्लोरा, मारडा, धिडशी, चार्ली, बाबापूर, मनोली गावातील विद्यार्थ्यांना शिक्षणासाठी तालुका मुख्यालय राजुरा येथे जाण्या-येण्या करिता अडचण होत असल्याचे विद्यार्थ्यानी जिप सभापती सुनील उरकुडे यांना सांगितले. कोरोना काळात शाळा महाविद्यालये बंद असल्या कारणाने बसेस बंद करण्यात आल्या होत्या. परंतु आता पूर्ववत शाळा महाविद्यालये सुरू होऊन देखील बस सेवा सुरू करण्यात आलेली नाही असे जिप सभापती सुनील उरकुडे यांना विद्यार्थ्यांनी सांगितले असता स्वतः आगारप्रमुखांना निवेदन देऊन चर्चा केली. चर्चेअंती सर्व अडचणींचे निराकरण करत दोन दिवसात बस सेवा चालू करणार असे आश्वासन आगार प्रमुखांनी सभापती सुनील उरकुडे यांना दिले. बससेवा सुरु होत असल्याने उपस्थित सर्व विद्यार्थ्यांनी जिप सभापती सुनील उरकुडे यांचे आभार मानले.