भरधाव ट्रक आणि बैलगाडीचा भीषण अपघात

• दोन शेतकऱ्यांचा दुःखद मृत्यू एक बैलही मृत
• नुकसान भरपाईची मागणी करत ग्रामस्थांचे रास्तारोको

संतोष दीक्षित - आमचा विदर्भ प्रतिनिधी

बल्लारपूर -

बल्लारपूर तहसीलच्या कळमना गावाच्या राष्ट्रीय महामार्ग क्रमांक 930 वर आज सकाळी 8.30 वाजता हायस्पीड ट्रक क्रमांक एमएच 34 एबी 5959 ने बैलगाडीसह दोन शेतकऱ्यांना चिरडले. या अपघातात दोन्ही शेतकऱ्यांचा जागीच दुःखद मृत्यू झाला. अपघात इतका भीषण होता की यात एका बैलाचा मृत्यू झाला आणि दुसरा बैल गंभीर जखमी झाला, बैलगाडीचाही चेंदामेंदा झाला. घटना कळमना गावाची आहे, आज सकाळी 8.30 च्या सुमारास 55 वर्षीय पुंडलिक काळे आणि 57 वर्षीय अंबादास दुधकोहळे बैलगाडीवरुन त्यांच्या शेतात औषध फवारणीसाठी जात असताना अचानक भरधाव ट्रकने बैलगाडीला धडक दिली. आणि घटनास्थळावरून पळून गेला, अपघात इतका भीषण होता की एक बैल आणि दोन्ही शेतकरी जागीच मरण पावले. या घटनेनंतर संतप्त ग्रामस्थांनी चंद्रपूर-अल्लापल्ली राष्ट्रीय महामार्ग रोखला त्यानंतर परिस्थिती तणावपूर्ण झाली. घटनास्थळी पोहोचलेल्या गावकऱ्यांनी मृतदेह उचलण्यापासून रोखले आणि मृत शेतकऱ्यांच्या कुटुंबीयांना नुकसानभरपाई मिळेपर्यंत मृतदेह उचलू नका असा इशारा दिला. ग्रामस्थांनी रस्त्यावर बैलगाडी टाकून चक्का जाम आंदोलन सुरू केले, यामुळे या मार्गावरील वाहतूक सुमारे 4 तास पूर्णपणे ठप्प झाली. घटनास्थळी पोहचलेल्या उच्च पदस्थ अधिकाऱ्यांनी गावकऱ्यांना समजण्याचा लाख प्रयत्न केला पण गावकरी भरपाईच्या मागणीबाबत ठाम राहिले. अतिरिक्त एसपी अतुल कुलकर्णी, उपविभागीय पोलीस अधिकारी राजा पवार यांनी घटनास्थळी उपस्थिती दर्शविली. कोठारीचे ठाणेदार तुषार चौहान, एपीआय रमीज मुलाणी, एपीआय विकास गायकवाड, एपीआय शैलेंद्र ठाकरे, पीएसआय ज्ञानेंद्र तिवारी, पीएसआय चेतन टेम्भूर्णे, पीएसआय अनिल चांदोरे जमावावर नियंत्रण ठेवण्याचा प्रयत्न करीत होते. सुमारे 4 तासांनंतर तहसीलदार संजय राइंचवार यांच्या मध्यस्थीने नुकसानभरपाई देण्याचे आश्वासन मिळाल्यानंतर ग्रामस्थांनी आंदोलन मागे घेतले. पोलिसांनी तातडीने मृतदेह शवविच्छेदनासाठी पाठवले आणि ट्रकचालक आणि घटनास्थळावरून पळून गेलेल्या ट्रकचालकालाही ताब्यात घेतले.

या घटनेनंतर या मार्गावरील वाहतूक सुमारे 4 तास पूर्णपणे बंद होती, रस्त्याच्या दोन्ही बाजूला वाहनांच्या लांबच लांब रांगा लागल्या होत्या. मृत शेतकर्‍यांच्या कुटुंबात दुसरा कोणताही कमावणाऱ्या व्यक्ती नसल्याने कुटुंबीयांच्या उदर निर्वाहाचा प्रश्न निर्माण झाला आहे. पुढील तपास पोलीस निरीक्षक उमेश पाटील यांच्या मार्गदर्शनाखाली पोलीस करत आहेत.