राष्ट्रवादी काँग्रेसच्या कोरपना तालुका अध्यक्षपदी सुहेल अली यांची नियुक्ती

शैलेश कोरांगे - आमचा विदर्भ प्रतिनिधी

कोरपना -

कोरपना येथील नगरसेवक म्हणून कार्य केलेले शिक्षित धडाडीचे युवा कार्यकर्ते सोहेल अली यांची कोरपना तालुका राष्ट्रवादी युवक काँग्रेसच्या अध्यक्षपदावर जिल्हा राष्ट्रवादी युवक काँग्रेसचे अध्यक्ष नितिन भटारकर यांनी नियुक्ती केली. यावेळी वैभव गोरे, आकाश वऱ्हाटे, संदानंद गिरी, मयूर  एकरे, आसीफ किडीया, आदित्य मासीरकर, प्रविण जाधव, विकास टेकाम उपस्थित होते. 

सुहेल अली यांच्या नियुक्तीने युवकामध्ये उत्साह संचारला असून तालुक्याचे ठिकाणी राष्ट्रवादी काँग्रेस युवकाच्या गळयात अध्यक्षपदाची संधी दिली आहे. राष्ट्रवादी कॉग्रेसचे संपर्कमंत्री ना, प्राजक्त तनपुरे, जिल्हा अध्यक्ष राजेन्द्र वैद्य, युवक राष्ट्रवादी अध्यक्ष नितिन भटारकर, महिला अध्यक्ष बेबीताई उईके, विधानसभा अध्यक्ष अरुण निमजे, तालुका राष्ट्रवादी कॉग्रेस अध्यक्ष शरद जोगी यांचे आभार मानत सुहेल अली यांनी समाजाच्या अखेरच्या घटकाचा कल्याणाकरिता तसेच पक्षाच्या धोरणानुसार नवयुवकांचे संघटन बांधणी व पक्षाचे कार्यक्रम राबविण्यावर अधिक प्राधान्य देऊ असे मत व्यक्त केले आहे.