ग्रापं विहिरगाव येथे लसीकरण संदर्भात उपविभागीय अधिकारी यांची आढावा बैठक संपन्न

विरेन्द्र पुणेकर - आमचा विदर्भ प्रतिनिधी

राजुरा -

ग्रामपंचायत विहीरगाव येथील जिल्हा परिषद हायस्कूल मध्ये कोरोना लसीकरण मोहीम संदर्भात राजुरा चे उपविभागीय अधिकारी संपत खलाटे साहेब यांची आढावा बैठक नुकतीच संपन्न झाली. बैठकीत शंभर टक्के लसीकरण संदर्भात उपविभागीय अधिकारी खलाटे साहेब यांनी नागरिकांशी प्रत्यक्ष संवाद साधून मार्गदर्शन केले व नागरिकांच्या अडचणी, समस्या जाणून घेतल्या. 

जनजागृती सभेत नायब तहसीलदार गांगुर्डे, सरपंच ॲड. रामभाऊ देवईकर, तालुका आरोग्य अधिकारी नगराळे यांनी सुद्धा मार्गदर्शन केले. यावेळी उपसरपंच नीलकंठ खेडेकर, ग्रामपंचायत सदस्य, जिल्हा परिषद शाळेचे शिक्षक व कर्मचारीवृंद, पोलीस पाटील, आरोग्य कर्मचारी, अंगणवाडी सेविका, आशा वर्कर तसेच गावातील नागरिक मोठ्या संख्येने उपस्थित होते. संचालन इरशाद शेख यांनी तर आभार सचिव सूर्यवंशी यांनी केले.