बाबूपेठ परिसरात वाटमारी

• मोबाईल हिसकावत युवकाला मारहाण

शशी ठक्कर - आमचा विदर्भ प्रतिनिधी

चंद्रपूर -

बाबूपेठ परिसरात 4 जुलैला दोन लोकांनी मिळून वाटमारी केल्याची घटना उजेडात आली आले आहे. दोन लोकांनी फिर्यादीला थांबवून त्याला मारहाण करत त्याचा जवळ असलेला रेडमी कंपनीचा मोबाईल हिसकावल्याची तक्रार पोलिसांना मिळताच पोलिसांनी जलदगतीने तपासाचे सूत्र फिरवितात मुद्देमाला सह दोन आरोपीना अटक करण्यात आली. 

फिर्यादीच्या तक्रारीनंतर शहर पोलीस ठाण्याचे पोलीस निरीक्षक सुधाकर आंभोरे यांच्या मार्गदर्शनात पोउपनि वाघमारे व कोरडे यांनी या घटनेचा तपास केला असता यामध्ये साहिल कुमार सिंह वय 24 व रोहित लक्ष्मण कोमटी वय 22 यांना अटक करण्यात आली. आरोपिकडून फिर्यादीचा मोबाईल जप्त करण्यात आला असून एक दुचाकी 50 हजार असा एकूण 66 हजारांचा मुद्देमाल जप्त करण्यात आला. पोलिसांनी अपराध क्रमांक 521/21 कलम 392, 34 अनव्ये गुन्हा दाखल केला असून सदर आरोपींचा अजून काही गुन्ह्यात समावेश आहे का याचा तपास सुरू आहे. सदर कारवाई पोलीस कर्मचारी विलास निकाडे व स्थानिक गुन्हे अन्वेषण विभागाने केली. 

बातम्या अधिक आहेत.....

प्रेमाच्या जाळ्यात ओढून विद्यार्थिनीचे शोषण ⭕ टिकटॉक स्टार अटकेत