एक पाऊल स्वच्छतेकडे

• माथरा गावात राबविण्यात आली ग्राम स्वच्छता मोहीम
• गावातील मुख्य रस्त्याच्या कडेला असणारे शेणखताचे ढिगारे हटविले

अनिल गंपावार - आमचा विदर्भ तालुका प्रतिनिधी

राजुरा -

गाव म्हणजे शुद्ध आरसा । जे दाखवेल ते दिसेल सहसा

जे कराल ते करी खासा । गाव आमुच्या

राष्ट्रसंत तुकडोजी महाराजांच्या या शिकवणीनुसार खामोना-माथरा या गट ग्राम पंचायती अंतर्गत येत असलेल्या माथरा येथे स्वच्छता जनजागृती मोहीम राबविण्यात आली. मोहिमे अंतर्गत गावातील मुख्य रस्त्याच्या कडेला असणारे शेणखताचे ढिगारे ग्राम पंचायतीच्या वतीने जेसीबी लावून हटविण्यात आले. 

एकीकडे कोरोना च्या पादुर्भाव वाढत असतांना स्वच्छतेप्रती जागरूकता ठेऊन ग्राम द्वारे करण्यात आलेल्या या स्वच्छते मोहिमेचे सर्वच स्तरातून समाधान व्यक्त करण्यात आले. यावेळी सरपंच हरिदास झाडे, उपसरपंच सौ. शारदा तलांडे, ग्रापं सदस्य मारोती शामराव चन्ने, सौ सोनी नवनाथ ठक, सौ अलका दिलीप वैद्य, ग्रामसेवक मिलिंद देवगडे, तलाठी सुरेंद्र चिडे, पोलीस बंदोबस्तातील पोलीस कर्मचारी जनार्धन गावतुरे आणि प्रवीण डवरे हे प्रामुख्याने उपस्थित होते. नागरिकांच्या सहकार्याने हे ग्राम स्वच्छता अभियान राबविण्यात आले. याप्रसंगी महसूल विभाग, पोलीस यंत्रणा आणि पंचायत समिती राजुरा यांचे विशेष सहकार्य लाभले.