अखेर श्रुती थाटे मृत्यु प्रकरणी गुन्हा दाखल, आरोपीला अटक

• प्रहारच्या मागणीला यश

आमचा विदर्भ - ब्युरो रिपोर्ट्स
अडेगांव -

अडेगाव येथील ११ वर्षीय मुलगी श्रुती किशोर थाटे २६ फेब्रुवारी रोजी विजेचा जिवंत ताराचा स्पर्श होऊन मृत्यु झाला होता. त्या प्रकरणी निष्पाप मुलीच्या मृत्युसाठी जबाबदार आरोपीस गुन्हा दाखल करुन अटक करण्याची मागणी प्रहार जनशक्ती पक्षाचे अनिकेत चामाटे आणी नितीन गोरे यांनी केली होती. त्या प्रकरणी मुकुटबन पोलिसांनी तपास अंती ३१ मार्चला सायंकाळी गुन्हा दाखल केला. या प्रकरणी आरोपीला कलम ३०४, २०१ अन्वये अटक करण्यात आली. प्रहार जनशक्ती पक्षाचे अनिकेत चामाटे, नितीन गोरे यांनी अडेगाव येथील श्रुती किशोर थाटे या निष्पाप मुलीच्या बळी गेलेल्या कुटंबाची भेट घेतली. कुटुंबाशी चर्चा केल्यानंतर थेट पोलिस स्टेशन गाठून प्रकरणाची सखोल चौकशी केली. आरोपींच्या विरोधात कुठलीच तक्रार दाखल नसल्यामुळे मुलीच्या कुटुंबाच्या मागणीनुसार आरोपीं विरोधात तक्रार दाखल करण्यात आली होती. आरोपी विरोधात गुन्हा दाखल करण्यायची मागणी करण्यात आली होती.