बेरोजगारीला कंटाळून दोघांची आत्महत्या

आयशा - आमचा विदर्भ कार्यालय प्रतिनिधी

नागपूर -

बेरोजगारीला कंटाळून दोन युवकांनी आत्महत्या वेगवेगळ्या घटना उघडकीस आल्या आहेत. पहिली घटना हिंगण्यातील हनुमाननगर झोपडपट्टी येथे मंगळवारी सकाळी उघडकीस आली. लॉकडाउनमुळे काम नसल्याने योगेश किसनजी सोनवाणे वय ३० याने लोखंडी हुकला दुपट्टा बांधून गळफास घेतला. दुसरी घटना कोतवालीतील दसरा रोड परिसरात घडली. निखिल कैलास उके वय ३० यानेही लाकडी बल्लीला दुपट्टा बांधून गळफास घेतला. बेरोजगारीला कंटाळून दोघांनी आत्महत्या केल्याचे पोलिसांनी सांगितले. दोन्ही प्रकरणी पोलिसांनी आकस्मिक मृत्यूची नोंद केली आहे.