जोगापूर जंगल सफारी चे आमदार सुभाष धोटे यांचे हस्ते शुभारंभ

अनिल गंपावार - आमचा विदर्भ तालुका प्रतिनिधी

राजुरा -

ताडोबा अभयारण्याला लागून असलेल्या प्रादेशिक वनक्षेत्रात जंगल सफारी सुरु करण्याचा मुख्यवनसंरक्षक एन.आर. प्रवीण यांनी मानस केला असून त्या दृष्टिकोनातून त्या क्षेत्राची पाहणी केली आणि बलारपूर तालुक्यातील कारवा, भद्रावती, चोरा येथे प्रादेशिक जंगल सफारी सुरू केली याला चांगला प्रतिसाद मिळत असल्याने आज दिनांक २० फेब्रुवारी पासून राजुरा तालुक्यातील जोगापूर वनक्षेत्रात जंगल सफारी सुरू करण्यात आली आहे. आमदार सुभाष धोटे यांचे हस्ते या जंगल सफारीचा शुभारंभ करण्यात आले.

याप्रसंगी नगराध्यक्ष अरुण धोटे, उपनगराध्यक्ष सुनील देशपांडे, मुख्य वनसंरक्षक डाॅ.एन.आर. प्रवीण, मध्य चांदा वन विभागाचे उपवन संरक्षक अरविंद मुंढे, विभागीय वन अधिकारी राम धोत्रे, माजी नगराध्यक्ष स्वामी एरोलवार, पंचायत समिती सभापती मुमताज अब्दुल जावेद, जि.प. सदस्या मेघाताई नलगे, उपसभापती मंगेश गुरनुले यासह अनेक मान्यवर उपस्थित होते. 

यानंतर मान्यवरांना वनपरिक्षेत्र अधिकारी विदेशकुमार गलगट यांनी जोगापूर जंगल सफारी क्षेत्रातील विशेष प्रेक्षणीय स्थळ, वन्यप्राणी त्यांचे अधिवास, वनस्पती, झाडे, तलाव बाबत माहिती दिली नंतर प्रमुख मान्यवरांनी जंगल सफारी चा आनंद घेतला.