विनयभंग प्रकरणी आरोपीला तीन वर्षाची शिक्षा

अनिल गंपावार - आमचा विदर्भ तालुका प्रतिनिधी

राजुरा -

एका अल्पवयीन मुलीचा विनयभंग केल्या प्रकरणी जिवती तालुक्यातील राहपली येथील युवकाला चंद्रपूर सत्र न्यायालयाने तीन वर्षाची शिक्षा व दोन हजार रूपयांचा दंड ठोठावला आहे. 7 एप्रिल 2019 ला ही घटना घडली होती.  

टेकामांडवा पोलिस ठाणे अंतर्गत येणार्‍या राहपली येथे एका अल्पवयीन मुलीचा विनयभंग करण्याचा गुन्हा दाखल करण्यात आला होता. या आरोपीवर पास्को अंतर्गतही गुन्ह्याची नोंद करण्यात आली. या गुन्ह्याचा तपास पोलिस उपनिरीक्षक रेखा काळे यांनी करून चंद्रपूर जिल्हा न्यायालयात आरोपपत्र दाखल केले होते. या प्रकरणाचा निकाल लागला असून सत्र न्यायाधीश मा. अनुराग दीक्षित यांनी पास्को कलमा नुसार आरोपी राहुल जोंधळे, वय 23, राहणार राहपली याला एक वर्ष सजा व एक हजार रुपये दंड आणि विनयभंग प्रकरणी दोन वर्ष सजा व एक हजार रुपये दंड अशी एकूण तीन वर्षाची शिक्षा व दोन हजार रुपये दंडाची शिक्षा सुनावली आहे. या प्रकरणी जिल्हा सरकारी अभियोक्ता अँड. महाजन यांनी काम पाहिले.