राजुरा शहरात ९ ते १४ एप्रिलदरम्यान रोटरी उत्सवाची धूम

लावणी, स्पर्धा आणि मनोरंजनाने सजणार ‘रोटरी उत्सव २०२६’

आमचा विदर्भ - दीपक शर्मा 

राजुरा (दि. ८ एप्रिल २०२६) -

        रोटरी क्लब ऑफ राजुरा यांच्या वतीने ‘रोटरी उत्सव २०२६’ चे आयोजन ९ ते १४ एप्रिल दरम्यान करण्यात आले आहे. हा उत्सव श्री शिवाजी महाविद्यालयाच्या पटांगणावर पार पडणार असून, स्थानिक गृहउद्योग, लघू उद्योग, हस्तकला आणि बचत गटांना प्रोत्साहन देण्यावर विशेष भर देण्यात आला आहे.

        या संदर्भात अध्यक्ष निखिल चांडक, सचिव राजू गोखरे, माजी अध्यक्ष कमल बजाज, सदस्य सारंग गिरसावळे, डॉ. अहेमद शेख, अजहर शेख, ॲड. जगजीवन इंगोले यांनी माहिती दिली. त्यांनी सांगितले की, स्थानिक व्यावसायिकांना अत्यल्प दरात स्टॉल उपलब्ध करून देण्यात येणार असून, यामुळे छोट्या उद्योजकांना मोठी संधी मिळणार आहे. 

        उत्सवाच्या पहिल्या दिवशी म्हणजे ९ एप्रिल रोजी सायंकाळी ५ वाजता श्रीराम मंदिर, जुना बसस्थानक येथून भव्य मिरवणूक काढण्यात येणार आहे. त्यानंतर रात्री ८ वाजता गिनीज बुक ऑफ वर्ल्ड रेकॉर्डमध्ये सहभागी झालेल्या स्थानिक महिला व विद्यार्थिनींकडून सामूहिक लावणी नृत्य सादर करण्यात येणार आहे. उत्सवाच्या काळात दररोज सायंकाळी ६ ते ८ या वेळेत विविध सांस्कृतिक कार्यक्रम व स्पर्धांचे आयोजन करण्यात आले आहे. १० एप्रिल रोजी २० वर्षांवरील महिलांसाठी मॉडेलिंग व फॅशन रॅम्प वॉक स्पर्धा आयोजित करण्यात आली असून प्रवेश विनामूल्य आहे.

        ११ एप्रिल रोजी समूह नृत्य स्पर्धा होणार असून सहभाग शुल्क ५०० रुपये ठेवण्यात आले आहे. याच दिवशी रात्री ८ वाजता ‘साधा माणूस’ फेम विलास झट्टे हे प्रमुख आकर्षण ठरणार आहेत.

        १२ एप्रिल रोजी एकल नृत्य स्पर्धा आयोजित करण्यात आली असून प्रवेश शुल्क २०० रुपये आहे. १३ एप्रिल रोजी रात्री ८ वाजता यूट्यूब स्टार रिचा साळवे हिची विशेष उपस्थिती राहणार आहे. उत्सवादरम्यान विविध दुकाने, खाद्यपदार्थांचे स्टॉल, तंबोला हौजी, खरेदी-विक्री दालन राहणार आहे. तसेच  झुले, पेंटिंग, मेहंदी, रांगोळी आणि चित्रकला स्पर्धा यांचेही आयोजन करण्यात आले आहे. 

#RotaryUtsav2026 #RajuraEvent #RotaryClubRajura #CulturalFestival #RajuraNews #MaharashtraEvents #LocalBusinessSupport #LavaniDance #FashionShowRajura #VilasJhatte #RichaSalve #FestivalVibes #IndiaEvents #RajuraCity #chandrapurnews #chandrapurcity #chandrapur #aamchavidarbha #vidarbha