राजुऱ्यात आणखी एका मजुराची आत्महत्या

पंधरवड्यात चौथ्या आत्महत्येच्या घटनेने शहर हादरले

आमचा विदर्भ - दीपक शर्मा द्वारे

राजुरा (दि. ८ सप्टेंबर २०२३) -

        शहरात तीन आत्महत्येच्या घटना ताज्या असतांना आणखी एका मजुराने गळफास लावून आत्महत्या केली आहे. मनोज कन्नाके वय २८ वर्षे असे मजुराचे नाव आहे. पंधरवड्यात चार आत्महत्येच्या घटना घडल्याने शहर चांगलेच हादरले आहे. मुळात आत्महत्ये मध्ये गरिबांसह श्रीमंतांचा सहभाग असल्याने अखेर या आत्महत्येच्या घटनांमध्ये दडलंय काय असा सामान्य जनतेमध्ये प्रश्न निर्माण होत आहे. (suicide)

        मागील आठवड्यात आत्महत्येच्या दोन घटना घडल्या आहे. गडचांदूर रोड लगतच्या कुलूपबंद विधाते यांच्या घरात गळफास लावलेला मृतदेह आढळून आला होता. त्यानंतर लगेच वसंत वाणी नामक व्यावसायिकांने घरात आत्महत्या केली. या दोन्ही घटना ताज्या असताना सुरेश पाचभाई नामक कर्मचाऱ्यांने वर्धा नदीत उडी मारून आत्महत्या केली. आता चौथी घटना समोर आली असून मनोज कन्नके या २८ वर्षीय मजुराने गळफास लावून आत्महत्या केली आहे. तो सोमनाथपुर वार्डातील रहिवासी होता. त्यांच्या आत्महत्येचे कारण कळू शकले नाही. दरम्यान पंधरवड्यात आत्महत्येच्या चार घटना समोर आल्याने अनेक प्रश्न निर्माण होत आहे. या आत्महत्या मध्ये गरीब मजुरासह व्यापारी व गर्भ श्रीमंत सुध्दा जीव देत असल्याने अखेर या आत्महत्ये मध्ये दडलंय काय असा चिंतनाचा विषय ठरू पहात आहे. (rajura) (aamcha vidarbha)