आवाळपूर येथील घटना
आमचा विदर्भ - धनराजसिंह शेखावत (तालुका प्रतिनिधी)
कोरपना (दि. २५ जुलै २०२३) -
परिसरात आज सकाळी पावसाने दमदार हजेरी लावली आणि दुपार होताच आभाळ मोकळे झाले त्यामुळे नाल्याला पाणी आले होते यावेळी शेतातून परत येताना स्मशान भूमी लगत असलेल्या नाल्यावर पाय घसरून आवाळपूर येथील मनोज महादेव आत्राम वय ३४ वर्ष हा नाल्यात वाहून गेला ही घटना साधारणतः ३.३० वाजता घडली. (aawalpur)
युवक वाहून गेला याची माहिती हवेसारखी पसरली आणि नाल्यावर लोकांची तोबा गर्दी झाली. गावातील नागरिकांनी व पोलीस प्रशासनाने स्वतः पाण्यात उतरत शोधा - शोध सुरू केली. काही अंतरावर ६.३० वाजता मुसळे यांचा शेता लगत त्यांचा मृतदेह आढळला. मनोज यांचा पाठीमागे २ मुले पत्नी, असा आप्तपरिवार असल्याने त्याचा जाण्याने गावात हळहळ व्यक्त केली जात आहे. (aamcha vidarbha)
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.