आझादी का अमृत महोत्सवनिमित्त रविवारी देशभक्तीपर राज्यस्तरीय गीत गायन स्पर्धा

आझादी का अमृत महोत्सवनिमित्त रविवारी देशभक्तीपर राज्यस्तरीय गीत गायन स्पर्धा

स्वर प्रीती कला अकादमीचे आयोजन

आमचा विदर्भ - न्यूज नेटवर्क

राजुरा -

स्वर प्रीती कला अकादमी, राजुरा द्वारे 'आझादी का अमृत' महोत्सवनिमित्त देशभक्तीपर गीतगायन आणि स्वर लता राज्यस्तरीय गीत गायन स्पर्धा या कार्यक्रमाच्या पारितोषिक वितरण कार्यक्रमाचे आयोजन केले आहे. 21 ऑगस्ट 2022 रोज रविवारी सकाळी 11 वाजता ओम साई मंगल कार्यालय राजुरा येथे आयोजित या कार्यक्रमाला संगीत प्रेमी जनतेने उपस्थित राहण्याचे आवाहन संस्थेने केले आहे. स्वर प्रीती कला अकादमी अंतर्गत आरोही संगीत विद्यालयच्या मार्गदर्शिका व कार्यक्रमाच्या संयोजिका अल्का सदावर्ते यांच्यावतीने देशभक्तीपर गीतगायन व स्पर्धकांचे गायन होणार आहे. गेल्या महिन्याभरापासून या स्पर्धकांची ऑनलाइन पद्धतीने निवड सुरू होती. या स्पर्धेचे पारितोषिक वितरण मान्यवरांच्या हस्ते होणार आहे. संगीत व देशभक्ती गीतांची मेजवानी असलेल्या या कार्यक्रमाचा रसिकांनी आस्वाद घेण्याचे आवाहन संस्थेचे अध्यक्ष दिलीप सदावर्ते यांनी केले आहे.