सर्पदंशाने युवकाचा मृत्यू

शैलेश कोरांगे - आमचा विदर्भ प्रतिनिधी

कोरपना -

सर्पदंशाने २२ वर्षीय युवकाचा मृत्यू झाल्याची घटना गुरुवारी दुपारी दोन सुमारास कोरपना येथे घडली. आशिष पंधरे ( २२) रा. जांभूळधरा असे मृतक युवकाचे नाव आहे. मृतक कोरपना येथील एका किराणा दुकान काम करीत होता. त्यादरम्यान गोडाऊन मधून काही वस्तु आणण्यास गेला असता. दडून असलेल्या विषारी सापाने त्याला दंश केला. त्याला लागलीच ग्रामीण रुग्णालय कोरपना येथे दाखल करण्यात आले. त्यानंतर त्याला चंद्रपूर येथील रुग्णालयात रेफर करण्यात आले. मात्र उपचारादरम्यान त्याचा दुर्दैवी मृत्यू झाला.