वाढदिवसाप्रसंगी गरोदर महिलेला पोषण आहाराची भेट

• "बाळू" ची लोकचळवळीतून कुपोषणमुक्ती

विरेन्द्र पुणेकर - आमचा विदर्भ 

राजुरा -

कोरोनाशी लढताना बालकांना कुपोषणापासून वाचविण्यासाठी‍ही लोकचळवळीच्या माध्यमातून "बाळू" ची धडपड सुरु आहे. कोरोना काळात गरोदर महिलांना तसेच कुपोषित बालकांना पोषण आहार नियमित मिळावा याकरिता "बाळू Be A Part Of Loving unit" चे प्रयत्न सुरु आहेत आणि आपल्या हातून समाजातील शेवटच्या घटकाच्या नागरिकानापर्यंत काहीतरी मदत झाली पाहिजे तसेही नागरिक आहेत त्यातूनच आज युग रुपेश आस्वले याच्या सातव्या  वाढदिवसाप्रसंगी युगाच्या पाल्याकडून "बाळू" च्या माध्यमाने स्थानिक पंचशील वॉर्डातील आंगणवाडीत एका गरोदर मातेला सहा महिने पुरेल इतक्या पोषण आहाराचे वितरण करण्यात आले. यावेळी बाळूचे संस्थापक अमित महाजनवार, रुपेश आस्वले, प्रवीण यमनुरवार, दीपक शर्मा, अमोल ताठे, संतोष भटपल्लीवार, अक्षय सुर्तेकर, समीर राचर्लावार, अंगणवाडी सेविका दर्शना रागीट उपस्थित होते.