पोलीस ठाण्यात शांतता समितीची सभा

आमचा विदर्भ - ब्युरो रिपोर्ट्स

राजुरा -

राजुरा पोलीस ठाण्यात दिनांक 27 ऑगस्ट ला शांतता समितीची सभा घेण्यात आली. अध्यक्षस्थानी राजुरा पोलीस निरीक्षक चंद्रशेखर बहादूरे होते. या बैठकीत आगामी काळात येणारे जन्माष्टमी, पोळा, तान्हा पोळा, गणेशोत्सव या सणांचे दरम्यान शांतता व सुव्यवस्था अबाधित राखण्या संबंधाने मार्गदर्शन करण्यात आले. राजुरा शहर हे शांतताप्रिय असून पोलिसांच्या आवाहनाला नेहमीच अनुकूल प्रतिसाद देत असल्याचे अनेक नागरिकांनी सांगितले. नगराध्यक्ष अरुण धोटे, नगरसेवक दिलीप देरकर, मधुकर चिंचोलकर, राजेंद्र डोहे, भाऊजी कुळसंगे, माजी नगरसेवक डॉ. उमाकांत धोटे, गजानन पहानपटे, शौकत अली, वाघू गेडाम, सुरेश मेश्राम, संतोष देरकर, मंगेश श्रीराम आणि शांतता समितीचे सदस्य उपस्थित होते. सर्व पदाधिकाऱ्यांनी  आगामी सण कोविड 19 अंतर्गत नियमाचे पालन करुन शांततामय वातावरणात पार पाडण्याबाबत सहकार्य करण्याविषयी आश्वस्त केले.