मिना राजू मंच च्या वतीने मुलींसाठी आरोग्य शिबीर संपन्न

• मानोली (खुर्द) येथे आयोजन

धनराजसिंह शेखावत - आमचा विदर्भ प्रतिनिधी

गडचांदूर -

गडचांदूर मीना राजू मंच अंतर्गत 8 वी च्या शालेय विद्यार्थीनी साठी आरोग्य शिबीराचे आयोजन जिल्हा परिषद प्राथमिक शाळा, मानोली (खुर्द) येथे करण्यात आले. याप्रसंगी डॉ. मोते यांनी 8 वी च्या मुलींना जीवन शैली, आरोग्य, नैतिक मूल्ये, मासिक पाळी संबंधित मार्गदर्शन, गुड टच, बॅड टच, पोक्सो बाल संरक्षण कायदा या विषयावर चर्चा करून उपयुक्त मार्गदर्शन केले. 

कार्यक्रमाच्या अध्यक्षस्थानी शाळा व्यवस्थापन समिती चे अध्यक्ष शंकरराव रामटेके होते. प्रमुख पाहुणे म्हणून मुख्याध्यापक जी.वी. पवार, केंद्र प्रमुख विलास देवाळकर, डॉ. स्नेहा मोते, कु. जिचकार, मुन मॅडम, मीना मंच प्रमुख सीता मेश्राम आदी उपस्थित होत्या. मुलींना फोलिक ऍसिड च्या गोळ्या चे वाटप करण्यात आले. कार्यक्रमाचे आयोजन राजेश पवार व वनपाल सोयाम यांनी केले. सूत्र संचालन सुप्रिया व संस्कृती यांनी केले तर आभार राजेश पवार यांनी मानले.