मोदी सरकारचे ७ वर्ष पूर्ण

• सेवा दिवसाच्या निमित्याने खामोन्यात फेसमास्क चे वितरण
• जिप कृषी व पशुसंवर्धन सभापती सुनिल उरकुडे यांचा पुढाकार

अनिल गंपावार - आमचा विदर्भ तालुका प्रतिनिधी

राजुरा -

केंद्रातील मोदी सरकारने पूर्ण केली आहेत. या निमित्ताने भाजपाने हा दिवस सेवा दिवस म्हणून साजरा करण्याचा निर्णय घेतला आहे. त्याच अनुषंगाने जिप कृषी व पशुसंवर्धन सभापती सुनिल उरकुडे यांनी खामोना येथे सदिच्छा भेट दिली. भेटीदरम्यान उपस्थित महिला तथा पुरुषांना फेसमास्क चे वाटप करण्यात आले. कोरोना प्रादुर्भाव होऊ नये यासाठी नियमितपणे फेसमास्कचा वापर करणे, सामाजिक अंतर राखणे, वारंवार हाथ धुणे या सोबतच कोरोना लसीकरणाबाबत ग्रामीण भागात असणारे गैरसमज दूर करून जनजागृती करण्यात आली. 

याचदरम्यान उपस्थित नागरिकांना महिला स्वयंसहाय्यता गटाचा आढावा घेत गटाच्या माध्यमातून स्वयंरोजगाराच्या संधी ग्रामीण भागात कशा निर्माण होऊ शकतात याबाबत मार्गदर्शन करण्यात आले. यावेळी जिप कृषी व पशुसंवर्धन सभापती सुनिल उरकुडे म्हटले कि, ग्रामीण भागात सुध्दा उद्योगाच्या, व्यवसायाच्या, स्वयंरोजगाराच्या अनेक संधी उपलब्ध आहेत. पण, आपण कधी त्यांच्यांकडे संधी म्हणून बघितलेलेच नाही. त्यासंधी आपण खरोखर हेरल्या, तर वैयक्तिक विकासाबरोबर संपूर्ण गावाचा व गावाबरोबर परिसराचा विकास करण्याची ताकद आपण निर्माण करू शकू. 

मौजा खामोना येथे महिला स्वयंसहाय्यता समूहाच्या ग्रामसंघासाठी इमारतीची मागणी महिलांनी केली असता त्यासाठी व्यक्तिशः प्रयत्न करणार असल्याचे सभापती उरकुडे यांनी सांगितले. याप्रसंगी उपसरपंच सौ. शारदा तलांडे, ग्रापं सदस्य मारोती चन्ने, सौ अलका वैद्य, सौ. लक्ष्मी लोणारे, ग्रामसेवक मिलिंद देवगडे, आशा वर्कर सौ. सविता उरकुडे, सीआरपी श्रीमती जयश्री पावडे,  प्रतिष्ठित नागरिक रामदास गिरसावळे, बाबुराव चन्ने, तुळशीराम तलांडे, दिलीप गिरसावळे तसेच मोठ्या संख्येने महिला स्वयंसहाय्यता समूहाच्या महिला तसेच गावातील इतर नागरिक तथा युवकवर्ग आवर्जून उपस्थित होते. 

स्थानिक, विदर्भ, महाराष्ट्र, देश, विदेशातील बातम्या, ताज्या घडामोडी व उपयुक्त माहितीसाठी आम्हाला आताच फॉलोव करा, आमचा विदर्भ फेसबुक पेजला लाईक करा.