मदर डेअरीकडून दुध उत्पादकांची लुट

आमचा विदर्भ - तालुका प्रतिनिधी

भद्रावती -

भद्रावती तालुक्यातील पिपरी (दे.) येथील मदर डेअरी कडून दुध उत्पादक कडून शेतकऱ्यांची लुट होत असून ती त्वरीत थांबविण्यात यावी अशी मागणी दुध उत्पादक शेतकऱ्यांनी केली आहे.

पिपरी येथील मदर डेअरीच्या दुध संकलन केंद्रावर मागील चार वर्षापासून फॅट मशीन नादुरुस्त आहे. दुध मोजण्याचा काटासुद्धा नाही. ही मशीनरी नसल्यामुळे शेतकऱ्यांच्या दुधाला स्वमर्जीने भाव दिला जातो. याबाबत गावातील दुध उत्पादक शेतकऱ्यांनी डेअरीच्या चंद्रपूर येथील कार्यालयात जाऊन आपली कैफीयत मांडली असता तेथील अधिकारी ने अमरावती येथील अधिकाऱ्यांशी बोलणे केले. यावेळी उडवा-उडवीची उत्तरे देण्यात आली. तसेच संकलन केंद्र बंद करण्याची धमकी देण्यात आली. प्रशासनाने या बाबीची दखल घेऊन शेतकऱ्यांना न्याय मिळवून द्यावा अशी मागणी पिपरी येथील शेतकरी गंगाधर बोबडे, शिरीष जेनेकर, सचिन कुटेमाटे, सुधाकर पाटील, योगेश मत्ते, विनायक कुटेमाटे, सुभाष भोयर, संदीप काकडे यांनी केली आहे.