ब्रेकिंग - भद्रावतीत लागली दोन दुकानाला आग

• सात लाखाच्या वर नुकसान झाल्याचा प्राथमिक अंदाज

आमचा विदर्भ - तालुका प्रतिनिधी

भद्रावती -

भद्रावती शहरातील मुख्य बाजारपेठेत आज मंगळवार दि.13 ला पहाटे 3 ते 4 वाजताच्या दरम्यान लागलेल्या आगीत दोन दुकाने भस्मसात होऊन जवळपास सात लाखाच्या वर नुकसान झाल्याचा प्राथमिक अंदाज आहे. 

पहाटे 6 वाजता अग्निशमक दलाची गाडी घटनास्थळी पोहचली मात्र तोपर्यंत उपस्थित नागरिकांनी आग विझवली होती. या आगीत संजय वसंत बेलगावकर यांच्या वसंत आयुर्वेदिक मेडीकल स्टोअर्स ला आग लागून दुकानातील सर्व मालासह आवश्यक दस्तऐवज दुकान परवाना जळून खाक झाला. यात त्यांचे जवळपास तीन लाखाचे नुकसान झाले. तर बाजूलाच असलेल्या मंगेश संजय सहारे यांच्या सहारे पूजा साहित्ये भांडाराला आग लागून दुकानातील सर्व माल जळाला यात त्यांचे जवळपास अडीच लाखाचे नुकसान झाले. घटनेची तक्रार दोन्ही दुकान मालकांनी भद्रावती पोलीस स्टेशन ला दिली. पोलिसांनी घटनास्थळाला भेट देवून पाहणी करून पंचनामा केला. या घटनेचा अधिक तपास भद्रावती पोलीस करीत आहे. ही आग शॉर्टसर्किटमुळे लागली असल्याचा प्राथमिक अंदाज व्यक्त करण्यात येत आहे.