विहीरगावच्या शाळेचा गौरव वाढविणारे यश

सहाय्यक शिक्षिका मनीषा धवने यांना आदर्श जिल्हा परिषद पुरस्कार

आमचा विदर्भ - अनंता गोखरे

चंद्रपूर (दि. ०७ सप्टेंबर २०२६) -

        जिल्हा परिषद प्राथमिक शाळा, विहीरगाव येथील सहाय्यक शिक्षिका सौ. मनीषा दशरथ धवने यांच्या उल्लेखनीय शैक्षणिक कार्याची दखल घेत त्यांना ‘आदर्श जिल्हा परिषद पुरस्कार’ प्रदान करून गौरविण्यात आले. त्यांच्या या यशामुळे विहीरगावच्या शैक्षणिक क्षेत्रात आनंदाचे वातावरण निर्माण झाले असून, विविध स्तरांतून त्यांचे अभिनंदन केले जात आहे.

        पुरस्कार वितरण कार्यक्रमास जिल्हा परिषदेचे मुख्य कार्यकारी अधिकारी पुलकित सिंग, प्राथमिक शिक्षणाधिकारी अश्विनी केळकर, माध्यमिक शिक्षणाधिकारी राजेश पातळे तसेच पंचायत समिती, राजुरा येथील गटशिक्षणाधिकारी प्रमोद वळिव यांची प्रमुख उपस्थिती होती. कार्यक्रमाचे उद्घाटक तथा अध्यक्ष म्हणून आदिवासी विकास विभाग, महाराष्ट्र राज्याचे मंत्री तथा चंद्रपूरचे पालकमंत्री प्रा. डॉ. अशोक उईके उपस्थित होते. प्रमुख अतिथी म्हणून विधान परिषद सदस्य, शिक्षक मतदारसंघ, नागपूर विभाग सुधाकर अडबाले यांनी उपस्थित राहून मार्गदर्शन केले.

        सौ. मनीषा धवने यांनी शैक्षणिक क्षेत्रात केलेल्या उल्लेखनीय कार्याची दखल घेत त्यांना हा पुरस्कार प्रदान करण्यात आला. विद्यार्थ्यांच्या शैक्षणिक प्रगतीसाठी तसेच शाळेच्या सर्वांगीण विकासासाठी केलेल्या त्यांच्या योगदानाचे यावेळी कौतुक करण्यात आले. पुरस्कार मिळाल्याबद्दल दिनदास चामाटे, सुभाष चिडे, विठ्ठल गोंडे, निळकंठ खरबे, संभाजी गावंडे, निखिल येवले, बालाजी म्हेत्रे व छाया गोंडे यांनी सौ. मनीषा दशरथ धवने यांचे अभिनंदन करून पुढील शैक्षणिक कार्यासाठी शुभेच्छा दिल्या.

        या सन्मानामुळे जिल्हा परिषद प्राथमिक शाळा, विहीरगावच्या शैक्षणिक कार्याला नवी ओळख मिळाली आहे. सौ. मनीषा दशरथ धवने यांच्या यशाचे शिक्षण क्षेत्रातून कौतुक होत असून, त्यांच्या कार्यामुळे इतर शिक्षकांनाही प्रेरणा मिळत असल्याची भावना व्यक्त केली जात आहे.

#ManishaDhawane #AdarshZillaParishadAward #ZPPrimarySchool #Viheergaon #Chandrapur #ChandrapurNews #Rajura #RajuraNews #TeacherAward #BestTeacher #EducationNews #MaharashtraEducation #ZillaParishad #TeacherAchievement #VidarbhaNews #आदर्शजिल्हापरिषदपुरस्कार #मनीषाधवने #विहीरगाव #चंद्रपूर #राजुरा