गडचांदूरात उत्साहात पार पडला वाहन चालक दिन

अनैशा वाहन चालक कामगार संघटनेचा पुढाकार

आमचा विदर्भ - दीपक शर्मा

गडचांदूर (दि. १८ सप्टेंबर २०२५) -

        अनैशा वाहन चालक कामगार संघटनेच्या वतीने वाहन चालक दिन उत्साहात साजरा करण्यात आला. ग्रामीण रुग्णालय गडचांदूर येथे रुग्णांना फळवाटप तसेच ट्रान्सपोर्ट नगर अंबुजा फाटा येथे विविध ट्रान्सपोर्ट कंपनीचे सुपरवायझर आणि वाहन चालक यांचा सत्कार करून कार्यक्रम पार पडला. ग्रामीण रुग्णालय गडचांदूर येथे संघटनेचे संस्थापक अध्यक्ष सुरज उपरे, चंद्रपूर जिल्हा अध्यक्ष अनंता रामटेके, दुर्गापूर शाखा अध्यक्ष सुरेश वाघमारे यांच्या हस्ते डॉ. गेडाम यांच्या उपस्थितीत रुग्णांना फळे वाटप करण्यात आले. दरम्यान शासकीय कामानिमित्त गडचांदूर येथे आलेले चंद्रपूर उपप्रादेशिक परिवहन निरीक्षक संजय सर यांनी या औचित्याचा फायदा घेत संघटनेचे अध्यक्ष सुरज उपरे, जिल्हा अध्यक्ष अनंता रामटेके आणि सुरेश वाघमारे यांचा गुलाबपुष्प देऊन सत्कार केला.

        ट्रान्सपोर्ट नगर अंबुजा फाटा येथे झालेल्या कार्यक्रमात संघटनेचे अध्यक्ष सुरज उपरे, महाराष्ट्र सल्लागार अशोककुमार उमरे, चंद्रपूर जिल्हा अध्यक्ष यांच्या उपस्थितीत विविध सुपरवायझर आणि वाहन चालकांचा सत्कार करण्यात आला. यामध्ये वसंत माणूसमारे, पंकज बोंडे, महादेव वाघमारे, राजकुमार धुळे, हनुमान मस्कले, देविदास कांबळे, योगेश लालसरे, प्रफुल्ल गावंडे, अविनाश बोरूले, यासीर शेख, सिद्धार्थ नरवाडे, राकेश आदे, योगेश आत्राम, सिद्धार्थ वाघमारे आदींचा समावेश होता. या प्रसंगी शेकडो वाहन चालक बांधव उपस्थित राहून कार्यक्रमाला उत्साहपूर्ण प्रतिसाद दिला.

#DriversDay #TransportWorkers #AneshaUnion #DriverRespect #GadchandurEvents #TransportSupervisors #SurajbhauUpare #AnantRamteke #SureshWaghmare #RoadSafety #TransportCommunity #chandrapurnews #chandrapurcity #chandrapur #aamchavidarbha #vidarbha