ओबीसी आयोगाचे अध्यक्ष हंसराज अहिर यांचा दौरा ठरला सामाजिक बंधाची साक्ष

ओबीसी आयोगाचे अध्यक्ष हंसराज अहिर यांचा दौरा ठरला सामाजिक बंधाची साक्ष

चंदनखेडे गुरुजींना सदिच्छा भेट; सामाजिक स्नेह आणि आत्मीयतेचा क्षण

आमचा विदर्भ - अनंता गोखरे 

राजुरा (दि. ०७ ऑगस्ट २०२५) -

        राष्ट्रीय ओबीसी आयोगाचे अध्यक्ष आणि माजी केंद्रीय गृह राज्यमंत्री हंसराज अहिर यांचा राजुरा तालुक्यातील जनसंपर्क दौरा सामाजिक संवादाने परिपूर्ण ठरला. या दौऱ्यात त्यांनी स्वप्नपूर्ती कॉलनी येथे विदर्भ गाडी लोहार व तत्सम जाती महासंघाचे नागपूर जिल्हा सल्लागार तसेच निवृत्त केंद्रप्रमुख सुधाकर चंदनखेडे यांच्या नव्या निवासस्थानी सदिच्छा भेट दिली.

        या भेटीत केवळ औपचारिकता नव्हती, तर लोहार समाजाच्या अस्तित्व, अस्मिता आणि सामाजिक एकात्मतेचे दर्शन घडले. चंदनखेडे यांचे सेवाभावी जीवन, शिक्षणप्रेम आणि समाजभान यामुळे त्यांना विदर्भातील लोहार समाजात विशेष मान आहे. अशा व्यक्तीच्या गृहप्रवेश प्रसंगी माजी केंद्रीय मंत्र्याची उपस्थिती ही समाजासाठी गौरवाची बाब ठरली.

         या प्रसंगी माजी आमदार सुदर्शन निमकर यांच्यासह जिल्हा परिषदेचे माजी सदस्य भीमराव पाटील मडावी, भाजपचे नेते अरुण मस्की, राजू घरोटे, बाबुराव मडावी, विमाशि चे माजी जिल्हाध्यक्ष केशव ठाकरे, कृषी उत्पन्न बाजार समितीचे उपसभापती संजय पावडे, कळमना ग्रामपंचायत चे सरपंच नंदकिशोर वाढई, लोहार समाजाचे कार्यकर्ते मोहनदास मेश्राम, संतोष चंदनखेडे सह विविध सामाजिक, शैक्षणिक क्षेत्रातील मान्यवर उपस्थित होते. या भेटीत औपचारिक कार्यक्रम नव्हता, तरीही उपस्थितांमध्ये सामाजिक प्रश्नांवर उघडपणे संवाद झाला. हंसराज अहिर यांनी चंदनखेडे यांना पुढील सामाजिक कार्यासाठी शुभेच्छा दिल्या आणि लोहार समाजाच्या मागण्यांचा विचार केंद्रस्तरावर सकारात्मकरीत्या केला जाईल, असा विश्वास दिला.

        ही भेट स्थानिक समाजासाठी आत्मीयतेची भावना जागवणारी ठरली असून, राजकीय नेतृत्व आणि स्थानिक कुटुंब यातील सौहार्दपूर्ण संबंधांचे उदाहरण म्हणून पुढे राहील. लोहार समाजातील तरुणांमध्येही या भेटीमुळे नवचैतन्य निर्माण झाल्याचे जाणवले.

#HansrajAhir #RajuraVisit #OBCCampaign #SocialUnity #LoharCommunity #ChandrapurUpdates #GrassrootsLeadership #CommunitySupport #VidarbhaNews #SnehMilap #SocialHarmony #ExMLA #sudarshannimkar #hansrajahir #chandankhedeguruji #loharsamaj #aamchavidarbha #vidarbha #chandrapurupdate #chandrapurian #chandrapur