इंडियन रेडक्रॉस सोसायटी व टाटा कॅन्सर फाउंडेशनचा आरोग्य उपक्रम
आमचा विदर्भ - अनंता गोखरे
चंद्रपूर (दि. २१ ऑगस्ट २०२५) -
“रुग्ण सेवा हीच ईश्वर सेवा” या तत्वज्ञानातून इंडियन रेडक्रॉस सोसायटी, चंद्रपूर व टाटा कॅन्सर केअर फाउंडेशन यांच्या संयुक्त विद्यमाने मोफत आरोग्य तपासणी व औषध वितरण शिबिराचे आयोजन करण्यात आले. हे शिबिर डॉक्टर बाबासाहेब आंबेडकर वाचनालय, आझाद चौक, दुर्गापूर येथे यशस्वीरीत्या पार पडले. जिल्ह्यातील नामवंत ईएनटी सर्जन तसेच इंडियन रेडक्रॉस सोसायटी, चंद्रपूरचे सचिव डॉ. मंगेश गुलवाडे यांच्या मार्गदर्शनाखाली हा उपक्रम राबविण्यात आला. या शिबिरात प्रकल्प संचालक म्हणून डॉ. पियुष मेश्राम आणि डॉ. आशिष बारब्दे यांनी विशेष योगदान दिले. शिबिरात एकूण 980 नागरिकांची मोफत आरोग्य तपासणी करण्यात आली. विविध आजारांवर तपासणी करून रुग्णांना निशुल्क औषधांचे वाटप करण्यात आले. स्थानिक नागरिकांनी मोठ्या संख्येने उपस्थित राहून या उपक्रमाचा लाभ घेतला.
शिबिराच्या यशस्वी आयोजनासाठी डॉ. रिजवान शेख, डॉ. मयूर वानखेडे, डॉ. वसंत ढवस, डॉ. ट्विंकल ठेंगळे, विशाल पवार, वैष्णवी सहारे, ज्योती मुरमाडकर, वृषाली चिताडे, प्रवीण आसुटकर, सोनू कातकर, निलेश पझारे, सुभाष मुरस्कर, आरिफ काझी आणि आशिष गिरडकर यांनी अथक परिश्रम घेतले. या उपक्रमामुळे स्थानिक नागरिकांना आरोग्य सेवा सहज व सुलभरीत्या उपलब्ध झाली. शिबिराच्या यशस्वी आयोजनाबद्दल नागरिकांनी समाधान व्यक्त केले. तसेच अशा उपक्रमांचे आयोजन सातत्याने व्हावे, अशी अपेक्षा जनतेकडून व्यक्त करण्यात आली.
#HealthForAll #FreeMedicalCamp #RedCrossIndia #TataCancerCare #HealthcareInitiative #ChandrapurEvents #ServiceToHumanity #DrPiyushMeshram #DrAshishBarbde #Distribution-of-free-medicines #patients #drmangeshgulwade #IndianRedCrossSociety
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.