त्रिशताब्दी जन्मोत्सव सोहळ्यात पुण्यश्लोक अहिल्याबाई होळकर यांना राजुरात अभिवादन

त्रिशताब्दी जन्मोत्सव सोहळ्यात पुण्यश्लोक अहिल्याबाई होळकर यांना राजुरात अभिवादन

राजुरा येथे लोकमातेच्या जयंतीला समाजाचा उत्स्फूर्त प्रतिसाद

आमचा विदर्भ - अनंता गोखरे

राजुरा (दि. ०३ जून २०२५) –

        शहरात लोकमाता राजमाता पुण्यश्लोक अहिल्याबाई होळकर यांची ३०० वी जयंती मोठ्या उत्साहात साजरी करण्यात आली. अहिल्याबाई होळकर चौक येथे झालेल्या कार्यक्रमात विविध मान्यवरांच्या उपस्थितीत त्यांचे स्मरण करण्यात आले. कार्यक्रमाच्या अध्यक्षस्थानी धनगर जमात सेवा मंडळाचे अध्यक्ष गोपाळराव बुरांडे, , राजुरा होते. तर उद्घाटक श्री खंडोबा सेवा समिती (देवस्थान) चे अध्यक्ष पुंडलिकराव उराडे होते. मुख्य पाहुणे म्हणून माजी नगराध्यक्ष अरुण धोटे यांनी उपस्थितांना संबोधित करताना सांगितले की, "अहिल्याबाई होळकर हे कुशल प्रशासक, न्यायप्रिय व प्रजावत्सल राज्यकर्ते होत्या. त्यांचे कार्य अजरामर असून, आजही त्यांच्या कार्यातून आपल्याला प्रेरणा मिळते." या प्रसंगी कैलाश उराडे, राजकुमार चिंचोलकर, पुंडलिकराव उराडे व गोपाळराव बुरांडे यांनीही आपले विचार मांडून अहिल्याबाईंच्या कार्याचे स्मरण करून दिले.

        संचालन सुभाष चिडे यांनी केले तर सौ. सुरेखाताई उराडे यांनी उपस्थितांचे आभार मानले. कार्यक्रमाच्या यशस्वीतेसाठी बाळू कापडे, दशरथ धवणे, मधुकर गाडगे, दिनेश पोतले, बंडूजी पोतले, सुधाकर ठमके, सचिन झाडे, वनिता उराडे, बेबीताई पोतले आदींनी मेहनत घेतली. राजुरा शहरातील विविध क्षेत्रातील मान्यवर, समाजबांधव, महिला भगिनींच्या उपस्थितीत आणि चहा-नाश्त्याने समारोप झालेल्या या कार्यक्रमात, धनगर समाजाची एकता व सांस्कृतिक अभिमान विशेषत्वाने जाणवला.