रस्त्यावर अचानक आलेल्या सायकल स्वारामुळे स्कार्पिओ पलटी; चालक ठार, सहकारी गंभीर
आमचा विदर्भ - ब्युरो रिपोर्ट्स
सावली (दि. 17 मे 2025) -
सावली तालुक्यातील व्याहाड येथे दुर्दैवी अपघात घडला आहे, ज्यामध्ये स्कार्पिओ चालकाचा मृत्यू झाला आहे. गडचिरोली येथून वाहन क्रमांक MH 33 AC 8712 ही स्कार्पिओ सावली तालुक्यातील व्याहाड मार्गे येत असताना अचानक सायकल स्वार रस्त्यात आला. सायकलस्वाराला वाचवण्याच्या प्रयत्नात चालकाचे वाहनावरून नियंत्रण सुटले. स्कार्पिओचा मागील टायर फुटल्याने वाहन पलटी झाले. या भीषण अपघातात चालक अनिरुद्ध कोवे वय 25 वर्षे, रा. केरोडा यांचा जागीच मृत्यू झाला. वाहनातील अन्य सहकारी गंभीर जखमी झाले असून त्यांना गडचिरोली येथील सामान्य रुग्णालयात उपचारासाठी दाखल करण्यात आले आहे. सावली पोलीस या अपघाताचा पुढील तपास करीत आहेत. सायकलस्वाराचा शोध घेण्याचे प्रयत्न सुरू असून अपघाताचे नेमके कारण शोधले जात आहे.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.