MD Drugs विक्री प्रकरण
एक आरोपी अटकेत, 1.15 लाख रुपयांचा माल जप्त
आमचा विदर्भ - अनंता गोखरे
चंद्रपूर (दि. १५ मे २०२५) -
चंद्रपूर शहर पोलीस ठाण्याच्या पथकाने गोपनीय माहितीच्या आधारे बाबुपेठ वार्डातील शासकीय डी. एड. कॉलेज ग्राउंड परिसरात छापा टाकत अवैध अंमली पदार्थ विक्री करणाऱ्या आरोपीला जेरबंद केले. आरोपीचे नाव महेश सुबोध बाला वय २४ वर्षे, रा. जुनोना चौक, बाबुपेठ वार्ड असे आहे.
पोलीसांनी आरोपीच्या ताब्यातून दोन प्लास्टिक पिशव्यांमध्ये सुमारे ९.०४० ग्रॅम MD Drugs पावडर किंमत ४५,०००/- रुपये आणि एक मोपेड दुचाकी सुझुकी एसेस क्र. एमएच ३४ सीई-७१९५, किंमत ७०,०००/- रुपये असा एकूण १,१५,०००/- रुपयांचा मुद्देमाल जप्त केला आहे. या प्रकरणी चंद्रपूर शहर पोलीस ठाण्यात गुन्हा क्रमांक ३४४/२०२५ अंतर्गत NDPS कायद्यानुसार गुन्हा नोंदविण्यात आला असून पुढील तपास गोंडपिपरी पोलीस करीत आहेत.
ही कारवाई पोलीस अधीक्षक मुम्मका सुदर्शन, अपर पोलीस अधीक्षक रिना जनबंधु, उपविभागीय पोलीस अधिकारी सुधाकर यादव यांच्या मार्गदर्शनाखाली पोलीस निरीक्षक श्रीमती प्रभावती एकुरके यांच्या नेतृत्वात पार पडली. या पथकात पोउपनि संदीप बच्छिरे, मपोहवा भावना रामटेके, पोहवा सचिन बोरकर, संतोष कनकम, संजय धोटे, नापोअ कपुरचंद खैरवार, पोअ. इमरान खान, दिलीप कुसराम, राजेश चिताडे, विक्रम मेश्राम, रुपेश पराते, मपोशि सारीका गौरकार, दिपीका झिंगरे यांचा समावेश होता.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.