डॉ. रमेशकुमार बोरकुटे यांचा 'स्टार्टअप इंडिया ग्रोथ लीडर' पुरस्काराने गौरव
आमचा विदर्भ - दीपक शर्मा
नवी दिल्ली (दि. ०९ मे २०२५) -
एमएसएमई भारत समिट २०२५ मध्ये डॉ. रमेशकुमार एस. बोरकुटे यांना 'स्टार्टअप इंडिया ग्रोथ लीडर' या प्रतिष्ठित पुरस्काराने गौरविण्यात आले. दि. ६ मे २०२५ रोजी हॉटेल हॉलिडे इन, मयूर विहार, नवी दिल्ली येथे हा कार्यक्रम पार पडला. संपूर्ण दिवसभर चालणाऱ्या या शिखर परिषदेचे आयोजन करण्यात आले होते.
यहोवा यिरे फाऊंडेशनचे सिईओ डॉ. रमेशकुमार बोरकुटे यांनी या समारंभात सहभाग घेतला. त्यांनी त्यांच्या फाऊंडेशनद्वारे आरोग्य, शिक्षण, रोजगार आणि उद्योग प्रशिक्षणाच्या माध्यमातून समाजसेवा केली आहे. 'शिका, कमवा आणि प्रगती करा' या तत्त्वावर आधारित त्यांच्या कार्याची दखल घेत त्यांना 'स्टार्टअप इंडिया ग्रोथ लीडर २०२५' पुरस्काराने सन्मानित करण्यात आले.
या कार्यक्रमाला प्रमुख पाहुणे म्हणून केंद्रीय एमएसएमई राज्यमंत्री सौ. शोभाताई करंदलाजे, राज्यसभा खासदार मा. श्री नीरज शेखर, तसेच डॉ. (एच.सी.) सीएस अ‍ॅड. ममता बिनानी, भारतातील पहिले नोंदणीकृत दिवाळखोरी व्यावसायिक आणि माजी अध्यक्ष - आयसीएसआय उपस्थित होते. या प्रमुख मान्यवरांच्या उपस्थितीत समिट यशस्वीरित्या पार पडली.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.