रस्त्याच्या कडेला उभ्या ट्रकला दुचाकीची धडक - युवक ठार

गडचांदूर - भोयेगाव मार्गावर पुन्हा अपघात

१३ ऑगस्ट ला जिवती तालुक्यातील चार युवक झाले होते ठार

आता अपघात झाल्यास नागरिकांनी आखला वाहन चालक व ट्रान्सपोर्ट व्यावसायिकांना चोप देण्याचा कार्यक्रम

आमचा विदर्भ - धनराजसिंह शेखावत, प्रतिनिधी

गडचांदूर (दि. ३१ ऑगस्ट २०२४) -

        गडचांदूर-भोयेगाव मार्गावर लखमापूर जवळ पेट्रोल पंप पासून काही अंतरावर रस्त्याच्या कडेला उभ्या ट्रकला दुचाकी ने मागून जोरदार धडक दिल्याने दुचाकीस्वार शुभम अनिल थेरे वय 25 वर्ष, रा. गडचांदूर या तरुणाचा दुर्दैवी मृत्यू झाला. सदर घटना 30 ऑगस्ट शुक्रवार रोजी सायंकाळी सात वाजताच्या सुमारास घडली. माणुसकी बाळगणाऱ्या सुज्ञ नागरिकांनी एका कारमध्ये बसवून शुभमला गडचांदूर ग्रामीण रुग्णालयात आणले असता डॉक्टरने त्याला मृत घोषित केले. शुभम हा एकुलता एक मुलगा असल्याचे कळते, मुलाच्या जाण्याने कुटुंबावर दुःखाच्या डोंगर कोसळला असून परिसरात शोककळा पसरली आहे. सदर घटनेची माहिती मिळतात गडचांदूर पोलिसांनी रुग्णालयात जाऊन पंचनामा केला आहे. 

        परिसरात बेदरकारपणे भरस्त्यात मोठे वाहन उभे करून अपघातांना आमंत्रण देण्याचे कार्य ट्रान्सपोर्ट व्यावसायिक करत असून बेजबाबदारपने रस्त्याच्या कडेला वाहन उभे असल्याने १३ ऑगस्ट रोजी जिवती तालुक्यातील चार निष्पाप युवकांचा बळी गेला होता. आता तरी ट्रक चालक, ट्रान्सपोर्ट व्यावसायिक व पोलीस दक्षता घेईल अशी अपेक्षा नागरिकांनी व्यक्त केली होती मात्र ट्रक चालक, ट्रान्सपोर्ट व्यावसायिक हे ट्रक रस्त्याच्या कडेला ठेवत असून आता नागरिकांनी अश्या वाहन चालक व ट्रान्सपोर्ट व्यावसायिकांना चोप देण्याचा कार्यक्रम आखला असल्याने पुन्हा अपघात घडल्यास परिस्थिती चिघळणार असल्याचे चित्र दिसत आहे.

#aamchavidarbha #vidarbha #news #breakingnews #chandrapur #rajura #ballarpur #korpana #gadchandur #gondpipari  #ballarshah #chimur #bhadravati #warora #nandaphata #kavthala #Jivati ​Taluka #ViaGadchandurBhoigaonRoad #accident #GadchandurPoliceStation #NimaniLakhmapurroute #Aspeedingcarhitastandingtruck #track #Car #4youthskilled #police #gadchandurpolicestation #track #bike #rwovhiler #gadchandurbhoyegaonroad #lakhmapur #petrolpump #shubhamanilthere #GadchandurRuralHospitals