१७ रुग्णांचे मोतियाबिंदू क्लिष्ट आपरेशन

सामाजिक कार्यकर्त्या वंदना विनोद बरडे यांच्या पुढाकार

आमचा विदर्भ - दीपक शर्मा

वरोरा (दि. २८ डिसेंबर २०२३) -

        सामाजिक कार्यकर्त्या तथा उपजिल्हा रुग्णालय वरोरा येथे कार्यरत सौ. वंदना विनोद बरडे यांच्या विशेष प्रयत्नाने सांतरगांव येथील गरीब मजदुर जवळपास १७ स्त्री व पुरुषांचे डोळ्यांचे क्लिष्ट आपरेशन सुसज्ज अश्या आधुनिक तंत्रज्ञानाचा वापर करून करण्यात आले. (Cataract operation) सदर ऑपरेशन माजी खासदार तथा पद्मश्री डॉ. महात्मे (Dr. Mahatme) यांच्या नागपूर येथील रुग्णालयात करण्यात आले. यासाठी सामाजिक कार्यकर्त्या तथा उपजिल्हा रुग्णालय वरोरा येथील सह अधिसेविका सौ. वंदना विनोद बरडे व सामाजिक कार्यकर्ते विनोद बरडे यांच्या प्रयत्नाने करण्यात आले. जे आपरेशन बाकी ठिकाणी टाळले जाते अश्या रुग्णांना वंदना बरडे व विनोद बरडे हे सामाजिक बांधिलकी म्हणून सेवा देतात. बरडे दाम्पत्यांच्या या प्रयत्नाने आतापर्यंत ५० ऑपरेशन ला आपले योगदान दिले आहे. (warora ) (aamcha vidarbha)