मणिपूर अत्याचार घटनेचा राजुरा येथे तीव्र निषेध

शेकडो नागरिकांनी काढला निषेध मोर्चा

निषेध मोर्चात वंचित बहुजन आघाडी, भारत राष्ट्र समिती, बिरसा क्रांती दल, अफ्रोट, मराठा सेवा संघ, गोंडवाना गणतंत्र पार्टी, छावा फाऊंडेशन, राष्ट्रवादी युवक काँग्रेस, आदिवासी विकास परिषद चा समावेश

आमचा विदर्भ - दीपक शर्मा द्वारे

राजुरा (दि. २२ जुलै २०२३) -

        मणिपूर राज्यात महिलांवर झालेल्या अमानुष अत्याचाराच्या विरोधात राजुरा येथील नागरिकांनी तीव्र निषेध नोंदवित मोर्चाद्वारे तहसील कार्यालयाला धडक दिली. यावेळी जोरदार घोषणा देऊन मणिपूर येथील महिलांवर अत्याचार करणार्‍यांना कठोर शिक्षा द्यावी, मणिपूर सरकार बरखास्त करा, केंद्र सरकारचा निषेध असो, अशा घोषणांनी संपूर्ण परिसर दणाणून गेला. डॉ. बाबासाहेब आंबेडकर यांच्या पुतळ्याला पुष्पहार अर्पण करून संविधान चौकातून मोर्चा निघून तहसील कार्यालयावर गेला तेथे तहसीलदार यांनी मागण्यांचे निवेदन स्विकारले. (Hundreds of citizens took out a protest march) (Atrocities against women in Manipur state)

        या निषेध मोर्च्यात भारत राष्ट्र समिती, बिरसा क्रांती दल, वंचित बहुजन आघाडी, अफ्रोट, मराठा सेवा संघ, गोंडवाना गणतंत्र पार्टी, छावा फाऊंडेशन, राष्ट्रवादी युवक काँग्रेस, आदिवासी विकास परिषद या पक्ष व संघटनांच्या पदाधिकारी व कार्यकर्त्यांनी सहभाग घेतला. निषेध मोर्च्यात प्रामुख्याने आनंदराव अंगलवार, संतोष कुळमेथे, बिल्लू उर्फ राकेश चिलकुलवार, सनी रेड्डी, माजी ग्रापं सदस्य अजय सकीनाला, अ‍ॅड. मारोती कुरवटकर, भूषण फुसे, घनश्याम मेश्राम, मधुकर डांगे, गणपत चव्हाण, विजय मोरे, दिनेश पारखी, दीपक मडावी, दत्तात्रय मोरे, वामन साळवे, धीरज मेश्राम, बापुराव मडावी, मिलिंद गड्डमवार, मधुकर मटाले, अमोल राऊत, आसिफ सय्यद, मेश्राम, महिपाल मडावी, अमृत आत्राम, अनुसूर्या नुस्थी, सुभाष हजारे, सचिन मोरे, लक्ष्मण तुराणकर, नीळकंठ साळवे, दिलीप गिरसावळे, नितीन सिडाम, राधाताई आत्राम, रेशमाताई चव्हाण, रेखा टोकलवार, सुजाता नळे, धनश्री कुळमेथे, मंजुषा बोटरे, सुचिता तलसे, वैशाली तलसे, मीनाक्षी मून उपस्थित होते. मोर्च्यात मोठ्या संख्येने महिला व पुरुषांचा सहभाग होता. (rajura) (aamcha vidarbha)