गळफास घेऊन शेतकऱ्याची आत्महत्या

राजुरा तालुक्यातील नवेगाव येथील घटना

आमचा विदर्भ - अविनाश रामटेके प्रतिनिधी

विरुर स्टेशन (दि. 6 जुलै 2023) -

        सततची नापिकी आणि कर्जबाजारी पणाला कंटाळून नवेगाव येथील देवराव यादव दिवसे वय 59 यांनी बुधवारी मध्य रात्रीच्या सुमारास स्वतःच्या घरी गळफास घेऊन आत्महत्या केल्याची धक्कादायक घटना घडली. राजुरा तालुक्यातील येत असलेल्या नवेगाव येथील देवराव दिवसे यांच्या मागील काही वर्षांपूर्वी पत्नीचे निधन झाले. त्यामुळे त्या तिन मुलींची माया बालपणातच काळाने हिसकावून घेतली. पत्नी मरण पावली म्हणून वडिलाने जिद्द नाही सोडली नाही. आपल्या स्वतःच्या पाच एकर शेतीमध्ये राब-राब करून आपल्या मुलींना घेऊन आपल्या कुटुंबाचा गळा चालवीत होता. त्यातच काही वर्षानंतर पैई-पैई पैसा जमवून मुलींचे लग्न सुद्धा केले. पण मागील तीन ते चार वर्षापासून होत असलेली सततची नापिकी आणि कर्जबाजारीपणामुळे त्रस्त होते कर्जाचा डोंगर आणि यामुळे बुधवारी मध्यरात्री रात्रीच्या सुमारास देवराव यादव दिवसे यांनी आपल्या स्वतःच्या राहत्या घरी गळफास घेऊन आत्महत्या केल्याची धक्कादायक घटना नवेगाव येथे घडली. त्यांच्यावर पिक कर्ज असल्याची माहिती मिळाली आहे. पोलिसांनी चेक केले असता त्यांच्या खिशात एक सुसाईड नोट मिळाली. सततची नापिकी व कर्जबाजारीपणाला कंटाळून मी स्वतः आत्महत्या करित आहे. या घटनेमुळे संपूर्ण नवेगावात हळहळ व्यक्त केली जात आहे. या घटनेतील पुढील तपास सहाय्यक पोलीस निरीक्षक जयप्रकाश निर्मल, पोलीस हवालदार देवाजी टेकाम, पोलीस शिपाई अशोक मडावी करीत आहे. (rajura) (wirur station) (aamcha vidarbha)