खबरदार होळी व धुलीवंदनच्या पार्श्वभुमीवर दारू पिऊन गाडी चालवलात तर

मद्यप्राशन करून वाहने चालविणाऱ्या चालकाविरुद्ध कठोर कारवाई करणार - पोलीस निरीक्षक रविंद्र शिंदे

आमचा विदर्भ - धनराजसिंह शेखावत तालुका प्रतिनिधी

गडचांदूर (दि. ६ मार्च २०२३) -

        होळी व धुलीवंदनाच्या दिवशी मद्यप्राशन करून भरधाव वेगाने वाहन चालविणाऱ्या चालकविरुद्ध कठोर कारवाई केली जाईल यासाठी शहरात विविध ठिकाणी पोलीस पथक तैनात करण्यात येणार आहेत अशी माहिती पोलीस निरीक्षक रविंद्र शिंदे यांनी गडचांदूर पोलीस ठाण्यात शनिवारी सायंकाळी आयोजित केलेल्या शांतता समिती च्या बैठकीत दिली. होळी व धुलीवंदन सण शांततेत साजरा करावा. मिरवणुकीत कुणीही मद्यप्राशन करणार नाही याची काळजी आयोजकांनी घ्यावी असे आवाहन ठाणेदार शिंदे यांनी केले. 

        मद्यपी वाहनचालक, स्टंटबाजी करताना आढळून आल्यास दंडात्मक कारवाई केली जाईल असा इशारा दिला आहे. सभेला विविध राजकीय पक्षाचे नेते, कार्यकर्ते, सामाजिक कार्यकर्ते, पत्रकार, पोलीस कर्मचारी उपस्थित होते.