प्यार शेलटर ने सहा महिन्यात पंचवीस श्वानांना दिला आश्रय

तीस जखमी जनावरांवर केला उपचार

मोकाट जनावरांकरिता सम्राट क्लबचा मदतीचा हात

आमचा विदर्भ - तालुका प्रतिनिधी

राजुरा -

मुक्या जनावरांना सम्राट क्लब ने मदतीचा हात दिला असून राजुरा शहरातील मोकाट जनावरे आणि इतर पशुसाठी काम करीत असलेली राजुरा प्यार शेल्टर ह्या मध्ये असलेल्या मुक्या प्राण्यांना जेवणासाठी सम्राट क्लब राजुरा चे संस्थापक सोमेश्वर आइटलावार, संचालक विशाल देवके, सुदर्शन आनाकोंडा यांनी व्यवस्था केली. आज गांधी जयंतनिमित्त जनावरांना फूड भेट देण्यात आले. यावेळी शेलटर संयोजिका कृतीका सोनटक्के, बलवंत ठाकरे, रश्मी शाहू, मिलिंद गड्डमवार, प्रतीक कावळे, रोहन कोरांगे, स्वप्नील मेकलवार, रघुनाथ बताशंकर, पंकज बुटले राजुरा तालुका पत्रकार संघाचे अध्यक्ष प्रा.बी.यू. बोर्डेवार उपस्थित होते. यापूर्वी सुध्दा सम्राट क्लब राजुरा ने अनेक सामाजिक उपक्रम राबविले आहेत. या प्यार शेलटर मध्ये सहा महिन्यांत पंचवीस श्वानांना आश्रय दिला असून आतापर्यंत तीस मुक्या जखमी जनावरांचा उपचार करून त्यांना बरेही करण्यात आले आहे.