वं.राष्ट्रसंत तुकडोजी महाराज ह्यांच्या अभिवादन सोहळा

श्री प्रभू रामचंद्र कनिष्ठ महाविद्यालय नांदा येथे स्मृतिदिना निमित्त कार्यक्रमाचे आयोजन

धरणराजसिंह शेखावत - आमचा विदर्भ प्रतिनिधी

गडचांदुर -

वंदनिय राष्ट्रसंत तुकडोजी महाराज संस्थे द्वारा संचालित स्थानिक श्री प्रभू रामचंद्र कनिष्ठ महाविद्यालय नांदा येथे दि.11 ऑक्टोबर 2022 रोजी  मानवतेचे महान पुजारी थोर तत्त्वचिंतक, ग्रामोद्धार आणि राष्ट्रनिर्माणाचे प्रवर्तक "ग्रामगीता"कार जेष्ठ समाजसुधारक वंदनिय राष्ट्रसंत तुकडोजी महाराज यांच्या स्मृतिदिनानिमित्त विनम्र अभिवादन सोहळा महाविद्यालयात आयोजित करण्यात आला.

यावेळी प्रमुख पाहुणे म्हणून प्राचार्य डॉ. अनिल मुसळे सर, डॉ. राजेश डोंगरे, प्रा. करनेवार, प्रा. बोभाटे उपस्थित होते. कार्यक्रमाचे संचालन प्रा. निलिमा बावणे मॅडम ह्यांनी केले तर आभार प्रदर्शन प्रा. निता मुसळे यांनी केले. सदर कार्यक्रमात राष्ट्रसंतांच्या विचारांवर मान्यवारांकडून मार्गदर्शन करण्यात आले व कार्यक्रमाची सांगता गुरुदेव प्रार्थनेने करण्यात आली. हा कार्यक्रम यशस्वीपणे संपन्न करण्याकरिता महाविद्यालयातील सर्व शिक्षक वृंद यांचे सहकार्य लाभले. याप्रसंगी शाळेतील सर्व प्राध्यापकवृंद, शिक्षक-शिक्षिकावृंद तथा शिक्षकेतर कर्मचारी व विद्यार्थी मोठ्या संख्येने उपस्थित होते.