दोन दिवसात सीएमडी सोबत बैठक घेणार खा.बाळू धानोरकर यांचे आश्वासन
आमचा विदर्भ - तालुका प्रतिनिधी
राजुरा -
वेकोलि बल्लारपूर क्षेत्रातील धोपटाला प्रोजेक्ट करिता शेतकऱ्यांच्या जमिनी संपादित करण्यात आल्या. मात्र अद्यापही प्रकल्पग्रस्त शेतकऱ्यांना आश्वासनाप्रमाणे नोकरीतर सोडाच मोबदला सुद्धा देण्यात आला नाही. वेळोवेळी प्रकल्पग्रस्तांनी खदानीचे काम बंद पाडून आंदोलने केलीत व निवेदने दिलीत मात्र रेंगाळलेल्या या प्रोजेक्ट मुळे प्रकल्पग्रस्त पुरते हवालदिल झाले आहेत. प्रकल्पग्रस्तांनी आज चंद्रपूर-आर्णी लोकसभा क्षेत्राचे खासदार बाळू धानोरकर यांना निवेदन देऊन या प्रकल्पातील प्रकल्पग्रस्तांच्या समस्या मार्गी लावण्याचे निवेदन दिले. खासदार बाळू धानोरकर दोन दिवसात सीएमडी सोबत बैठक घेऊन या प्रकरणाचा सोक्षमोक्ष लावण्याचे आश्वासन दिले. निवेदन देतेवेळी विनोद कावळे, संतोष शेंडे, जगदीश बुटले व इतर प्रकल्पग्रस्त उपस्थित होते.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.