चिंचोली येथील युवकाचा मृत्यू

• चिंचोली येथील युवकाचा मृत्यू
• PSC केंद्रात डॉक्टर उपस्थित नसल्याने योग्य उपचार न मिळाल्याचा शिवसेना राजुरा तालुका प्रमुख वासुदेव चापले यांचा आरोप

अविनाश रामटेके - आमचा विदर्भ प्रतिनिधी

विरूर स्टेशन / राजुरा -

चिंचोली बूज येथील वैभव बोरकुटे वय अंदाजे २६ वर्षे या युवकाला अत्यवस्थ वाटल्याने त्यांना चिंचोली बूज येथील प्राथमिक आरोग्य केंद्रात आज दुपारी १२.३० वाजताच्या सुमारास दाखल करण्यात आले होते. वैभव ला छातीत दुखत असल्याचे सूत्रांनी सांगितले. चिंचोली बूज येथील वैभव बोरकुटे हा मजुरी तर केव्हा ऑटो चालवायचा आज त्याला अत्यवस्थ वाटल्याने प्राथमिक आरोग्य केंद्र चिंचोली बूज येथे उपचाराकरिता आला होता. प्राथमिक आरोग्य केंद्रातील एक परिचारिका व एका कंपाउंडरने वैभवचा प्राथमिक उपचार करून औषोधोपचार केला. मात्र वैभवची प्रकृती औषोधोपचाराला योग्य प्रतिसाद देत नसल्याने तात्काळ परिचारिका व कंपाउंडरने एका खाजगी गाडीने राजूराला रेफर केले मात्र राजुरा येत पर्यंत वैभवची प्राणज्योत मावळली. या जवान मुलाचा एकाएकी दुर्दैवी मृत्यूमुळे बोरकुटे कटुंबावर दुःखाचा डोंगर कोसळला आहे.

प्राथिमक आरोग्य केंद्रात डॉक्टर उपस्थित नसल्याने योग्य उपचार न मिळाल्याचा आरोप शिवसेना राजुरा तालुका प्रमुख वासुदेव चापले यांनी केला आहे. वासुदेव चापले यांनी या आरोग्य केंद्राची अवस्था पुरेशा कर्मचाऱ्यांअभावी सध्या रामभरोसे झाली असल्याचा आरोपही केला. या प्राथमिक आरोग्य केंद्राच्या गाडीत बिघाड आल्याने वैभवला खाजगी गाडीने ग्रामीण रुग्णालय राजुरा ला रेफर करण्याची पाळी आली. प्राथमिक आरोग्य केंद्रात सायंकाळनंतर तर येथे डॉक्टर्स उपलब्ध नसतात त्यामुळे ग्रामीण भागातील इमर्जन्सी रुग्णांची मोठी गैरसोय होत आहे. ही बाब संतापजनक असून लवकरच शिवसेना स्टाईलने प्राथमिक आरोग्य केंद्राचा गलथान कारभाराचा इलाज करू असा इशारा शिवसेना राजुरा तालुका प्रमुख वासुदेव चापले यांनी दिला आहे. 

प्राथमिक आरोग्य केंद्र चिंचोली बूज येथील डॉक्टर सुट्टीवर असल्याने त्यांच्या जागी दररोज तालुक्यातील इतर ठिकाणाहून डॉक्टर पाठविले जात आहे. आज डॉ.जवळे तिथे हजर होते. तेथील स्टाफ द्वारे रुग्णाचा योग्य उपचार करण्यात आला मात्र वैभवचा छातीत वेदना जास्त होत असल्याने तात्काळ त्यांना रेफर करण्यात आले. 

डॉ. प्रकाश नगराळे

तालुका वैद्यकीय अधिकारी राजुरा