राजुरा तालुका वंचित बहुजन आघाडी आगामी सर्व निवडणुका स्व बळावर लढणार

• सुशील मडावी यांच्या अध्यक्षतेखाली झालेल्या बैठकीत निर्णय

विरेंद्र पुणेकर - आमचा विदर्भ प्रतिनिधी

राजुरा -

वंचित बहुजन आघाडी तालुका राजुरा शाखेची मासिक बैठक तालुका अध्यक्ष सुशील मडावी यांच्या अध्यक्षतेखाली पार पडली. या बैठकीत महत्वपूर्ण निर्णय घेण्यात आले. तालुका अध्यक्ष सुशील मडावी यांच्या अध्यक्षतेखाली झालेल्या बैठकीत सर्वसंमतीने आगामी सर्व निवडणुका वंचित बहुजन आघाडी स्वबळावर लढणार असून कोणत्याही पक्षाशी युती करणार नाही अशी ठोस भूमिका यावेळी घेण्यात आली. युती संदर्भात कोणताही व्यक्ती किंवा पक्ष काही वक्तव्य करत असेल तर ती केवळ एक अफवा आहे अश्या गोष्टीचा वंचित बहुजन आघाडी सोबत काहीही संबंध नाही. कुणीही अश्या अफवावर विश्वास ठेऊ नये. पक्ष श्रेष्ठी कडून आदेश येई पर्यंत युती संबंधी कोणताही निर्णय घेण्यात येणार नाही अथवा कुणालाही समर्थन देण्यात येणार नाही. असे या बैठकीदरम्यान ठरविण्यात आले. 

यावेळी जिल्हा उपाध्यक्ष नरेंद्र कुळमेथे, तालुका उपाध्यक्ष विजय जुलमे, बंडू भाऊ वनकर, महासचिव प्रणित झाडे, तालुका सचिव वासुदेव माऊलीकर, जेष्ठ सल्लागार किशोर रायपूरे, शहर प्रमुख पुरुषोत्तम वाघमारे प्रामुख्याने उपस्थित होते.